From Wikipedia, the free encyclopedia
Minyak sawik adolah minyak nabati nan didapek dari mesocarp buah pohon kalapo sawik, umumnyo dari spesies Elaeis guineensis,[1] dan saketek dari spesies Elaeis oleifera dan Attalea maripa. Minyak sawik sacaro alami bawarono sirah basobok kanduangan alfa dan beta-karotenoid nan tenggi. Minyak sawik babedo jo minyak inti kalapo sawik (palm kernel oil) nan didapek dari inti buah nan samo.[2] Minyak kalapo sawik babedo juo jo minyak kalapo nan didapek dari inti buah karambia (Cocos nucifera). Pambedo ado pado warono (minyak inti sawik indak punyo karotenoid sahinggo indak bawarono sirah), dan kadar lemak jenuhnyo. Minyak sawik manganduang 41% lemak jenuh, minyak inti sawik 81%, jo minyak kalapo 86%.[3]
Minyak sawik | |
---|---|
![]() | |
Genus | Elaeis guineensis |
Tampek asa | ![]() ![]() |
Minyak sawik tamasuak minyak nan punyo kadar lemak jenuh nan tenggi. Minyak sawik bawujuik satangah padek pado temperatur ruangan dan punyo babarapo jinih lemak jenuh asam laurat (0.1%), asam miristat (1%), asam stearat (5%), dan asam palmitat (44%). Minyak sawik punyo juo lemak tak jenuh babantuak asam oleat (39%), asam linoleat (10%), dan asam alfa linoleat (0.3%).[4] Sarupo jo sadonyo minyak nabati, minyak sawik indak manganduang kolesterol[5] dek konsumsi lemak jenuh dikatahui manyobabkan paningkekan kolesterol lipoprotein densitas randah dan lipoprotein densitas tinggi akibaik metabolisme asam lemak pado badan.[6] Minyak sawik GMO free juo, basobok indak ado kalapo sawik tarmodifikasi genetik (GMO) nan dibudidayoan untuak manghasilkan minyak sawik.
Minyak sawik iyolah bahan mamasak nan umum di nagaro tropis di Afrika, Asia Tenggara, dan sabagian Brasil. Panggunoannyo pado industri makanan komersial di balahan nagara lain didorong dek biayo produksinyo nan randah[7] dan kastabilan oksidatifnyo katiko digunoan untuak manggoreng.[8][9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.