Mikronesia
From Wikipedia, the free encyclopedia
Mikronesia adolah subkawasan Oseania nan tadiri dari sakitar 2.000 pulau ketek di Lautan Pasifik barat lauik. Nagara-nagara di kawasan ko punyo sijarah budaya nan arek jo rigo wilayah kapulauan nan lain:Asia Tenggara Maritim di barat, Polinesia di timur, jo Melanesia di selatan—sarato jo komunitas masyarakat Austronesia nan labiah laweh.
Mikronesia mancakuik wilayah sakitar 2.100 pulau jo total laweh daratan 2.700 km2 (1.000 mil persegi), nan tagadang adolah Guam jo laweh 582 km2 (225 mil persegi). Total laweh lautan di sakaliliang pulau-pulau tu adolah 7.400.000 km2 (2.900.000 mil persegi).[1]
Panduduaknyo kini ko tadiri dari banyak suku, namun kasadoannyo marupokan katurunan jo anggota budaya Mikronesia.[2] Karano pacampuran katurunan ko, banyak suku di Mikronesia nan maraso labiah dakek jo urang Melanesia atau Filipina. Misalnyo suku Yap nan bakarabaik jo suku Austronesia di Filipina utara.[3] Pado survei tahun 2011, 93,1% panduduaknyo ba agamo Kristen.[4] Manuruik sensus 2023, 55% panduduaknyo ba agamo Katolik jo 42% Protestan, sadangkan 2% maanuik Kristen lainnyo. Kalompok agamo lainnyo iolah Baha'i, Budha, Hindu, Yahudi, jo Islam.[5]