Masin V

Masin V adolah konfigurasi masin umum untuak sabuah masin pambakaran dalam. Piston nan susunannyo diatur sadamikian rupo hinggo mambantuak huruf V mambuek masin iko disabuik masin V. Konfigurasi V dapek mareduksi panjang dan barek kasaluruahan masin jiko dibandingkan jo masin nan tasusun dangan konfigurasi luruih.

Masin V klasik- iko iyolah masin V-twin nan dipakai di motor Inggirih zaman dahulu.

Tigo tipe masin: a — masin sagarih, b — masin V, c — masin VR6

Garih kuniang manunjuakán suduik dari masin V

Variasi suduik dari konfigurasi V iko digunoan di babagai masin nan babedo; tagantuang pado jumlah silindernyo, dari hal iko dimungkinkan juo adonyo parbedaan godang suduik nan taraso labiah baiak kinerjanyo daripado godang suduik lain dalam hal stabilitas. Suduik-suduik nan sangek ketek dari konfigurasi V dapek mamaduan babarapo kauntungan dari masin V dan masin luruih (tarutamo dalam hal kapadekánnyo) saroto babarapo kalamahannyo.

Babarapo konfigurasi V punyo kasaimbangan masin nan baiak, maskipun pado babarapo jinih masin sagarih mampu manciptakan kahalusan nan labiah baiak.

Tipe-tipe tatontu dari masin V dibuek jo masin tarbaliak, hal iko banyak digunoan untuak kapa tabang. Kauntungannyo iyolah tampilan nan labiah baiak bagi pasawat-pasawat bamasin tunggal. Contohnyo iyolah masin Jerman pado Parang Dunia II nan diproduksi dek Daimler-Benz^[1] dan Jumo.

Alah lazim dek masin V untuak disabuik dangan notasi V#, di mano # marupoan banyak dari silinder nan dipunyo masin tasabuik:

• Masin V-twin
• Masin V4
• Masin V5
• Masin V6
• Masin V8
• Masin V10
• Masin V12
• Masin V16
• Masin V18
• Masin V20
• Masin V24