From Wikipedia, the free encyclopedia
Maria Salomea Skłodowska-Curie (lahia di Warsawa, Polandia, 7 November 1867 – maningga 4 Juli 1934 di umua 66 tahun)[1] parintis dalam bidang radiologi jo pamanang Hadiah Nobel duo kali, Fisika pado 1903 jo Kimia pado 1911. Baliau mandirian Curie Institute. Basamo suaminyo, Pierre Curie, manamukan unsur radium. Curie adolah padusi partamo nan mandapekan Hadiah Nobel sarato urang partamo nan mamanangi duo Hadiah Nobel dalam duo bidang babeda. Baliau adolah saurang panaliti tapantiang dalam bidang radiasi jo efeknyo sabagai parintih radiologi. Catatannyo barisi tantang radioaktif, sampai baru-baru iko saurang cucu padusinyo mandekontaminasinyo.
Marie Curie digadangan di Polandia dalam kaluarga guru. Karano krisis di Polandia,baliau jatuah miskin sarato harus iduik imaik. Nan labiah manyadihan lai, baliau harus manyuruak- nyuruak untuak baraja ilmunyo. Pado tahun 1891 Marie malanjuikan studinyo tantang Fisika jo Matematika di Universitas Sorbonne. Baru satalah baliau pai ka Paris untuak sakolah di Universitas Sorbonne makonyo baliau bisa labiah leluaso untuak malakukan riset sampai akhiiayo dari bakalnyo tu baliau bisa mengisolasi radium dari laboratorium tuonyo nan saderhano; dari situah awal kapopulerannyo.[2]
Marie Curie lahia di Warsawa, Polandia pado 7 November 1867. Ayahnyo Wladyslaw, adolah saurang instruktur matematika jo fisika. Ibunyo, Bronislawa, baprofesi sabagai guru, maningga karano tuberkulosis pado saaik Curie barumua 10 tahun. Marie Curie adolah anak bungsu dari limo basudaro. Kaampek sudaronya adolah Zosia, Josef, Bronya, jo Hela. Samaso ketek Marie Curie tumbuah manjadi anak nan cadiak jo raso ingin tau nan tinggi jo camarlang di sekolah.[3]
Marie Curie indak dapek malanjuikan pandidikan tinggi di Universitas Warsawa nan hanyo manarimo mahasiswa laki-laki. Baliau malanjuikan pandidikan di "universitas tarapuang" Warsawa nan marupokan kelas informal bawah tanah nan diadokan sacaro rahasio.
Marie Curie jo sudaro padusinyo, Bronya, bamimpi untuak malanjuikan pandidikan di lua nagari untuak mandapekkan gala sacaro resmi. Namun, karano kakurangan biaya, kaduonyo mamutuihan untuak manampuah pandidikan sacaro bagantian. Marie bakarajo untuak mandukuang saudaronyo nan basakolah, kamudian sudaronyo meadukuang Marie sasudah baliau luluih. Dek itu, salamo limo tahun, Marie bakarajo sabagai tutor jo maaja anak-anak di rumah. Marie manggunoan wakatu luang untuak baraja tantang fisika, kimia jo matematika.
Pado tahun 1891 Marie Curie akhiay bisa malanjuikan pandidikan di Universitas Sorbonne, Paris. Salamo di universitas, baliau mulai baraja antusias panuah samangaik. Namun, karano kakurangan biaya, sehari-hari baliau hanyo makan roti mentega jo teh nan kamudian manyababan kasehatannyo kadang mamburuak.
Marie Curie maraiah gala master di bidang fisika pado tahun 1893, kamudian master di bidang matematika pado tahun berikuiknyo.[4]
Basamo suaminyo jo Henri Becquerel, Marie Curie maraih Hadiah Nobel Fisika pado tahun 1903 untuak karyanyo tantang radioaktivitas. Kaduonyo kamudian manggunoan pitih hadiahnyo untuak melanjuikan penelitian. Basamo kamenangan ko, Marie Curie kamudian mandapek reputasi internasional dek usahonyo bidang ilmu pangatahuan.[5]
Marie mengunjuangi Polandia untuak nan tarakhia kalinyao pado awal tahun 1934.[6][7] Baliau indak mangatahui bahayo zaik radioaktif katiko mancuba mengisolasinyo, sahinggo talalu acok malakukan kontak langsuang jo unsua-unsua tasabuik. Radiasi sinar radium nan balabiah maagiah dampak negatif bagi tubuahnyo, baliau mangidap anemia. Tigo bulan kamudian pado tanggal 4 Juli 1934 di Haute Savoie, Curie mahambuihkan napas tarakhianyo. Dunia kahilangan saurang padusi tangguah nan bajaso pado pangambangan pangetahuan jo kamanusiaan.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.