![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ad/Iron_electrolytic_and_1cm3_cube.jpg/640px-Iron_electrolytic_and_1cm3_cube.jpg&w=640&q=50)
Logam
From Wikipedia, the free encyclopedia
Pado kimia, sabuah logam atau metal (Bahaso Yunani: μέταλλον Metallon[1][2]) adolah material (sabuah unsur, senyawa, atau paduan) nan biasonyo kareh tak tembus cahayo, bakilau, dan mamiliki konduktivitas listrik dan termal nan baik. Logam umumnyo lembek—yaitu dapek ditempa atau ditekan permanen hingga barubah bantuak tanpa patah atau retak—dan lagi pulo fusibel (dapek dilelehkan) dan ulet (dapek ditarik hingga mambantuak kawat haluih).[3] Sakitar 91 dari 118 unsua dalam tabel periodik adolah logam; sisanyo adolah nonlogam atau metaloid. Babarapo unsua manunjukkan sifat baik logam dan nonlogam sakaliguih.
![Thumb image](http://upload.wikimedia.org/wikipedia/commons/thumb/a/ad/Iron_electrolytic_and_1cm3_cube.jpg/640px-Iron_electrolytic_and_1cm3_cube.jpg)
Astrofisikawan manggunakan istilah "metal" untuak manjalehkan sacaro kolektif saluruah unsua salain hidrogen dan helium, dua unsua paliang sederhano, dalam suatu bintang. Bintang memfusi atom-atom nan labiah ketek, sabagian bosegh tadiri dari hidrogen dan helium, untuak mambuek atom nan labiah gadang salamo maso hidupnyo. Pado pangartian itu, metalisitas suatu objek adolah proporsi dari materi nan manyusun saluruah unsua kimia nan labiah barek, indak hanyo logam-logam tradisional.[4]
Banyak unsua dan sanyawa nan indak diklasifikasikan sacaro normal sabagai logam manjadi logam pado tekanan tenggi; iko tabantuak sabagai alotropi metalik dari non logam.