From Wikipedia, the free encyclopedia
Kuwait (i/kʊˈweɪt/;[7][8] bahaso Arab: الكويت al-Kuwait, Palafalan Arab Taluak: [ɪl‿ɪkweːt] or [lɪkweːt]) adolah nagara monarki nan talatak di Asia Barat, tapeknyo di suduik utara pasisia timur Jazirah Arab nan manjadi ujuang Taluak Persia. Nagara ko babatehan jo Iraq di utara jo Arab Saudi di selatan. Pado 2016, populasi Kuwait mancapai 4,5 juta urang nan sacaro rinci ado 1,3 juta rakyaik Kuwait jo 3,2 juta ekspatriat.[9] Ekspatriat di nagara ko mancapai 70% populasi.[10]
Nagara Kuwait | |
---|---|
Lagu kebangsaan: an-Nashīd al-Waṭani Lagu Kabansoan | |
Lokasi Kuwait (green) | |
Ibu kota | Kota Kuwait 29°22′N 47°58′E |
Kota paliang gadang | ibu kota |
Bahaso resmi | Bahaso Arab[1] |
Kalompok etnik |
|
Agamo | |
Demonim | Urang Kuwait (Kuwaiti) |
Pamarintahan | Kasatuan monarki palimbagoan[3] |
• Amir | Nawaf Al-Ahmad Al-Jaber Al-Sabah |
• Pangeran mangkuto | Mishal Al-Ahmad Al-Jaber Al-Sabah |
• Pardano menteri | Sabah Khalid al-Sabah |
• Ketua Majilih Nasional | Marzouq Ali al-Ghanim |
Legislatif | Majilih Nasional |
Tagak | |
• Kota Kuwait | 1613 |
• Mardeka dari Kaamiran Al Hasa | 1752 |
• Konvensi Inggirih-Ottoman | 1913 |
• Akhia pakta dari United Kingdom | 19 Juni 1961 |
Area | |
• Total | 17.818 km2 (6.880 sq mi) (152) |
• Aia (%) | tarabaikan |
Populasi | |
- Pakiroan 2019 | 4.420.110 ▼ [2] (127) |
- Sensus Panduduak 2005 | 2.213.403[4] |
- Kapadatan | 200,2/km2 (61) |
PDB (KKB) | 2020 |
- Total | $303 miliar[5] (57) |
- Per kapita | ▼ $67,891[5] (8th) |
PDB (nominal) | 2018 |
- Total | $118.271 miliar[5] (57) |
- Per kapita | $28.199[5] (23) |
IPM (2018) | ▼ 0,808[6] Error: Invalid HDI value · 57 |
Mato uang | Dinar Kuwait ( KWD ) |
Zona wakatu | WSA (UTC+3) |
Format tanggal | dd/mm/yyyy (CE) |
Lajua kamudi | suok |
Kode telepon | +965 |
Kode ISO 3166 | KW |
Ranah Internet | .kw |
Situs web resmi www.e.gov.kw | |
|
Cadangan minyak bumi alah ditamukan di Kuwait pado taun 1938. Pado 1946, minyak matah (crude oil) diekspor untuak partamo kali.[11][12] Dari 1946 inggo 1982, nagara ko maalami modernisasi sacaro capek. Pado 1980, Kuwait ado dalam kaindakstabilan geopolitik sarato diikuti krisis ekonomi. Pado 1990, Kuwait diinvasi, kudian dianeksasi dek Iraw nan sangkek tu dipimpin Saddam Hussein. Pandudukan Iraq ateh Kuwait barakhia pado 1991 sasudah intervensi koalisi militer nan dipimpin Amerika Serikat. Kuwait adolah sakutu Amerika Serikat nan bukan anggota NATO.[13] Kuwait juo sakutu gadang dari ASEAN, nan juo mampunyoi hubuangan arek jo Cino.[14][15]
Kuwait adolah sabuah nagara badaulaik nan bapalimbagoan dan mamakai sistem politik semikarakyatan. Kuwait tamasuak nagara jo pandapatan tinggi manuruik Bank Dunia nan disokong dek cadangan minyaknyo nan paliang gadang kaanam di dunia. Mato uangnyo, dinar kuwait, marupokan mato uang paliang tinggi nilainyo di dunia.[16] Manuruik Bank Dunia, nagara ko ado pado posisi kasambilan baleh tatinggi pandapatan perkapita.[17] Palimbagoannyo diundangkan pado taun 1962.[18][19][20] Kuwait juo rumah untuak gaduang opera paliang gadang di Timur Tangah. Bahkan, Distrik Kabudayaan Nasional Kuwait adolah anggota dari Jaringan Distrik Kabudayaan Global.[21]
Panduduak Kuwait taun 2018 mancapai 4,6 juta urang, nan tadiri 1,4 juta adolah rakyaik Kuwait, 1,2 juta adolah urang Arab lainnyo, 1,8 juta ekspatriat Asia,[2] jo 47.277 urang Afrika.[22]
Ekspatriat di Kuwait mancapai 70% total populasi Kuwait. Pado akhia Desember 2018, 57,65% populasi Kuwait adolah urang Arab (tamasuak ekspatriat Arab).[2] Urang India jo urang Mesir adolah komunitas ekspatriat paliang gadang.[23][24]
Warga nagara Kuwait paliang banyak adolah Muslim; kiro-kiro 60%–65% adolah Sunni jo 35%–40% adolah Syiah.[25][26] Banyak urang Kuwait nan Syiah adolah katurunan Persia.[27][28][29][30][31][32][33] Ado pulo panduduak asali nan marupokan pamaluak agamo Kristen nan mancapai antaro 259 jo 400 urang.[34] Ado sakalompok ketek warga nagara Kuwait nan ikuik Bahai.[35][36] Kuwait juo mampunyoi komunitas gadang ekpatriat baragamo Kristen, Hindu, Buddha, jo Sikh.[35]
Kawarganagaraan | Islam | % | Kristen | % | Lain | % | Total | % |
---|---|---|---|---|---|---|---|---|
Kuwaiti | 1.402.801 | 99,98% | 289 | 0,02% | 23 | 0,00% | 1.403.113 | 30,36% |
Arab Non-Kuwait | 1.183.371 | 93,84% | 69.855 | 5,54% | 7.836 | 0,62% | 1.261.062 | 27,29% |
Asia | 814.767 | 43,61% | 725.316 | 38,83% | 328.125 | 17,56% | 1.868.208 | 40,42% |
Afrika | 15.991 | 33,86% | 24.679 | 52,26% | 6.557 | 13,88% | 47.227 | 1,02% |
Eropa | 6.553 | 36,26% | 10.352 | 57,27% | 1.170 | 6,47% | 18.076 | 0,39% |
Amerika & Australia | 13.577 | 56,83% | 8.995 | 37,48% | 1.360 | 5,60% | 23.892 | 0,52% |
TOTAL | 3.437.061 | 74,36% | 839.506 | 18,17% | 345.071 | 7,47% | 4.621.638 | 100% |
Bahaso resmi Kuwait adolah bahaso Arab (Standar Modern), tapi dalam kasaharian pamakaiannyo tabateh pado jurnalistik jo edukasi. Dialek Kuwait marupokan ragam bahaso Arab nan dipakai sahari-ari.[37] Bahaso Inggirih lai dipahami pulo sacaro laweh sarato acok dipakai sabagai bahaso bisnis. Salain bahaso Inggirih, bahaso Parancih diajakan pulo sabagai bahaso katigo di sekolah humaniora, tapi hanyo duo tahun sajo. Dialek Kuwait merupokan ragam dari bahaso Arab Taluak nan mampunyoi kamiripan jo dialek di nagara-nagara tatangga sapanjang pasisia timur Jazirah Arab.[38] Dialek ko juo mandapek pangaruah bahaso parantau, cando bahaso Persia, bahaso-bahaso dari India, bahaso Turki, bahaso Balochi, bahaso Inggirih, jo bahaso Italia.[39]
Salain bahaso Arab, adopulo bahaso Persia nan dipakai panduduak satampek. Ragam bahaso Persia nan dipakai adolah dialek Kuwait, dipakai kalangan urang Kuwait Ajam (urang Persia nan marantau ka Kuwait sajak dulunyo).[40][41][42] Subdialek Persia cando Larestani, Khonji, Bastaki, jo Gerashi juo mampangaruahi kosakato bahaso Arab Kuwait.[43]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.