museum jo istano di Sumatra Barat From Wikipedia, the free encyclopedia
Istano Basa nan labiah di kana jo namo Istano Pagaruyuang, adolah sabuah istano nan talatak di Kecamatan Tanjung Emas, Kota Batusangkar, Kabupaten Tanah Datar, Sumatera Barat. Istano ko marupokan tampek wisata budayo nan gadang di Sumatera Barat.
Istano Basa Pagaruyuang | |
---|---|
Latak | Batusangkar, Sumatra Barat, Indonesia |
Dibangun | kiro-kiro abaik ka-17 |
Dibangun untuak | Hunian kaluarga karajaan |
Diruntuahan | 1837 (dek parang) 1966 (tabaka) 2007 (tabaka) |
Dibangun baliak | 1930, 1968, 2007 |
Arsitek | Indak dikatahui |
Arsitektur | Minangkabau |
Pamiliak | Pamarintah Kabupaten Tanah Datar |
Istano Basa nan tagak kini sabananyo adolah replika dari nan asali. Istano Basa asali talatak di ateh Bukik Batu Patah dan tabaka habih pado sabuah karusuahan badarah pado taun 1804. Istano tasabuik kudian didirian baliak namun tabaka baliak pado taun 1966.
Proses pambangunan baliak Istano Basa dilakukan jo palatakan tunggak tuo (tiang utamo) pado 27 Desember 1976 dek Gubernur Sumatera Barat wakatu itu, Harun Zain. Bangunan baru ko indak didirian di tapak istano lamo, tapi di lokasi baru di sabalah salatannyo.[1]. Pado akhie 1970-an, istano iko alah dapek dikunjuangi dek umum.
Pado tanggal 27 Februari 2007, Istano Basa maalami kabakaran hebaik dek patuih nan manyemba di puncak istano[2]. Dek karanonyo, bangunan tigo tingkek iko anguih tabaka. Ikuik tabaka pulo sabagian dokumen, sarato kain-kain hiasan.[3]. Dipakirokan hanyo sakitar 15 persen barang-barang baharago nan salamaik. Barang-barang nan lolos dari kabakaran tasabuik kini disimpan di Balai Bando Purbakala Kabupaten Tanah Datar. Harato pusako Karajaan Pagaruyuang surang disimpan di Istano Silinduang Bulan, 2 kilometer dari Istano Basa.[4]
Samantaro itu, biaya pandirian baliak istano iko dipakirokan labiah dari Rp 20 miliar[5].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.