Isaac Newton
From Wikipedia, the free encyclopedia
Sir Isaac Newton FRS (lahia di Woolsthorpe-by-Colsterworth, Lincolnshire, 4 Januari 1643 – maningga 31 Maret 1727 pado umua 84 taun; KJ: 25 Desember 1642 – 20 Maret 1726/7[1]) adolah saurang fisikawan, matematikawan, ahli astronomi, filsuf alam, alkimiawan, dan teolog nan barasa dari Inggris. Baliau marupokan pangikuik aliran heliosentris jo ilmuwan nan sangaik bapangaruah sapanjang sijarah, bahkan dikatokan sabagai bapak ilmu fisika klasik.[7]
Sir Isaac Newton | |
---|---|
Issac Newton saat berusia 46 tahun pada lukisan karya Godfrey Kneller tahun 1689. | |
Lahia | 4 Januari 1643 (KJ: 25 Desember 1642)[1] Woolsthorpe-by-Colsterworth, Lincolnshire, Inggris |
Maningga | 31 Maret 1727 (umua 84) (KJ: 20 Maret 1726/7)[1] Kensington, Middlesex, Inggris, Britania Raya |
Tampek tingga | Inggris |
Kabangsaan | Inggris (kemudian Britania) |
Bidang |
|
Institusi |
|
Alma mater | Kuliah Trinity, Cambridge |
Pambimbiang akademik | |
Mahasiswa doktoral |
|
Dikana dek |
|
Dipangaruahi | |
Mampangaruahi |
|
Tando tangan |
Karya bukunyo Philosophiæ Naturalis Principia Mathematica nan ditabikkan pado taun 1687 dianggap sabagai buku paliang bapangaruah sapanjang sijarah sains. Buku iko malatakan dasar-dasar mekanika klasik. Dalam karyanyo ko, Newton manjabarkan hukum gravitasi jo tigo hukum gerak nan mandominasi pandangan sains tantang alam samesta salamo tigo abaik. Newton barasia manunjuakan baso gerak benda di Bumi jo benda-benda lua angkasa lainnyo diatua dek sakumpulan hukum-hukum alam nan samo. Baliau mambuktikannyo jo manunjuakan konsistensi antaro hukum gerak planet Kepler jo teori gravitasinyo. Karyanyo iko akhianyo manyirnakan karaguan para ilmuwan akan heliosentrisme jo mamajukan revolusi ilmiah.
Dalam bidang mekanika, Newton mancetuskan adonyo prinsip kekekalan momentum jo momentum suduik. Dalam bidang optika, baliau barasia mambangun teleskop refleksi nan partamo[8] dan mangambangan teori warna manuruit pangamatan baso sabuah kaco prisma akan mambagi cahayo putiah manjadi warna-warna lainnyo. Baliau marumuihan juo hukum pandinginan jo mampalajari kacepatan suaro.
Dalam bidang matematika pulo, basamo jo karya Gottfried Leibniz nan dilakukan sacaro tapisah, Newton mangambangan kalkulus diferensial jo kalkulus integral. Baliau juo barasia manjabarkan teori binomial, mangambangan "metode Newton" untuak malakukan pandakekan tahadok nilai nol suatu fungsi, dan bakontribusi tahadok kajian deret pangkat.
Sampai kini pun Newton masih sangaik bapangaruah di kalangan ilmuwan. Sabuah survei taun 2005 nan mananyoi para ilmuwan jo masyarakaik umum di Royal Society tantang siapokoh nan mambarikan kontribusi labiah gadang dalam sains, apokoh Newton atau Albert Einstein, manunjuakan baso Newton dianggap mambarikan kontribusi nan labiah gadang.[9]