From Wikipedia, the free encyclopedia
Intan Aletrino (lahia di Venlo, Balando, 30 Juni 1993; umua 31 taun) adolah saurang model jo presenter Indonesia badarah Minangkabau-Balando. Inyo marupoan juara tigo kontes Puteri Indonesia 2016, nan sakaligus manjadi Puteri Indonesia Pariwisata 2016. Inyo mawakili Indonesia di kontes Miss Supranational 2016, nan barhasil masuak babak 10 gadang.[1]
Intan Aletrino | |
|---|---|
_(cropped).jpg) | |
| Lahia | 30 Juni 1993 |
| Kabangsaan | Indonesia |
| Alma mater |
|
| Karojo |
|
| Tinggi | 175 cm (5 ft 9 in) |
| Pasangan | Ian Syarief (m. 2020–kini) |
| Anak |
|
| Urang tuo |
|
| Pamanang kontes kacantikan | |
| Gala |
|
| Warna abuak | Hitam |
| Warna mato | Hitam |
| Kompetisi utamo |
|
Intan Aletrino, nan biaso dipanggia Intan, lahia di Venlo, Limburg, Balando pado tanggal 30 Juni 1993. Inyo adolah anak partamo dari duo basudaro dari pasangan Ricardo Andre Aletrino (apak) dan Emirita (amak). Apaknyo barasa dari Balando, sadang amaknyo asli Payokumbuah. Maso keteknyo diabihan di Balando sampai inyo sakolah SMP, kamudian Intan pindah ka Padang, Sumatera Barat katiko SMA. Intan adolah lulusan bagala Cum Laude dari Fakultas Hukum di Universitas Andalas. Intan pernah mangikuti patukaran mahasiswa di Universitas Utrecht, Balando, nan barhasil maraih gala Magister Doktoral Hukum.[2][3]
Sabalum ikuik pemilihan Puteri Indonesia, Intan pernah ikuik pamilihan Duta Wisata Sumatra Barat 2010 dan tapiliah sabagai limo besar Uni Sumatra Barat 2010.[4] Salain itu, Intan aktif pulo mangikuiki kagiatan-kagiatan sosial budayo jo baorganisasi. Kagiatan sosial nan parnah inyo ikuiki antaro lain kagiatan pananaman pohon basamo Wali kota Padang pado taun 2013, manjadi motivator di Kelas Inspirasi, Indonesia Mengajar pado taun 2015, jo ikuik sarato marehabilitasi anak mudo pacandu narkoba di LSM kota Payokumbuah. Inyo sato pulo aktif di Ikatan Uda Uni Duta Wisata Sumatera Barat sarato di INYS (Indonesian Netherland Youth Society) nan babasis di KBRI Den Haag, Balando.[5]
Salain sabagai paragawati, Intan aktif pulo sabagai presenter. Inyo manjadi presenter acaro infotainment Insert di Trans TV sajak taun 2021.[6]
Intan mawakili provinsi Sumatera Barat pado kontes Puteri Indonesia 2016 nan diadokan pado tanggal 19 Februari 2016 di Jakarta Convention Center. Pado akhia acaro, inyo diumuman maraih posisi juara tigo sskaligus bagala Puteri Indonesia Pariwisata 2016. Kontes itu surang dijuarai dek Kezia Warouw dari Sulawesi Utara.[7]
Sabagai Puteri Indonesia Pariwisata, Intan mawakili Indonesia pado kontes Miss Supranational 2016 nan diadokan di Polandia pado tanggal 2 Desember 2016. Di malam finalnyo, Intan diumuman barhasil masuak posisi 10 gadang finalis jo mandapek pangharagoan khusus sabagai Miss Multimedia Awards jo Miss Elegance.[8]
Intan manikah jo saurang pangusaho banamo Ian Syarif Kleimer pado tanggal 2 Februari 2020. Acara baraleknyo diadokan di sabuah hotel di Padang sasuai adat Minang.[9] Kaduonyo dikaruniai anak partamo pado bulan Desember 2020.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
