Hendri Septa
From Wikipedia, the free encyclopedia
From Wikipedia, the free encyclopedia
Hendri Septa, B.Bus. (Acc), MIB (lahia di Padang, Sumatera Barat, 6 September 1976; umua 47 taun) adolah saurang politikus Indonesia. Inyo manjabek sabagai Wakil Wali Kota Padang mandampingi Wali Kota patahana Mahyeldi Ansharullah sajak 13 Mei 2019 satalah barasil mamanangkan Pamilihan umum Wali Kota Padang 2018. Inyo juo manjabek sabagai Katua Dewan Pawakilan Daerah (DPD) Partai Amanat Nasional Kota Padang sajak 13 November 2016.[1] Sabelumnyo, inyo panah bakursi sabagai Anggota DPRD Kota Padang periode 2009–2014. Inyo juo manjadi dosen tabang untuak mato kuliah manajemen di Fakultas Ekonomi Universitas Andalas sajak taun 2016.[2]
Biografi | |||||
---|---|---|---|---|---|
Lahia | 6 September 1976 (47 tahun (id) terjemahkan) Koto Padang | ||||
25 Pebruari 2021 –
13 Mai 2019 – 25 Pebruari 2021 | |||||
Data pribadi | |||||
Kalompok etnis | Urang Minangkabau | ||||
Almamater | SMA Negeri 2 Padang Universitas Deakin (id) | ||||
Kagiatan | |||||
Karajo | Politikus | ||||
Partai politik | Partai Amanat Nasional (id) | ||||
Kaluarga | |||||
Pasangan hiduik | Genny Putrinda (id) | ||||
Abak | Muhammad Asli Chaidir (id) | ||||
Sanak saibu/sabapak | Dean Asli Chaidir (id) | ||||
Hendri Septa lahia dan manghabiskan maso keteknyo di Kota Padang. Inyo manamekan pandidikan manangah di SMP Nagari 2 Padang jo SMA Nagari 2 Padang. Abih tamek SMA, Hendri malanjuikan pandidikan di Universitas Swinburne, Melbourne, sataro Diploma III jo gelar Advanced Diploma Business in Accounting. Hendri malanjuikan pandidikan ka Universitas Monash di Melbourne salamo tigo tahun, kamudian pindah ka Universitas Central Queensland. Di siko, Hendri manamaikan pandidikan satara Strata 1 jo gala Bachelor of Business (Accounting) atau disingkek BBus (Acc).[3] Satalah itu, untuak mamatangkan lai ilmunya di bidang bisnis, Hendri kuliah Strata 2 di Universitas Deakin, hinggo tamaik jo gala Masters of International Business (MIB).
Satalah manameikan pandidikan di Australia, inyo dipanggia urang tuonyo Muhammad Asli Chaidir untuak pulang kambali ka Indonesia. Pajalanan karier politik Hendri dimulai malalui Partai Amanat Nasional nan juo tampek Asli Chaidir banaung. Hendri mancalonkan diri sabagai anggota DPRD Kota Padang padoPamilu 2009. Inyo sukses tapilih sabagai anggota DPRD Kota Padang pariode 2009–2014.[3] Salapeh itu, pado Pamilu 2014, Hendri kambali mancalonkan diri sabagai anggota DPRD Sumatra Barat. Suaro nan diparoleh Hendri indak mancukupi untuak duduak di gaduang pawakilan rakyaik di Jalan Khatib Sulaiman tu.
Hendri Septa marupakan putra dari politisi Sumatra Barat, Muhammad Asli Chaidir. Ayahnyo marupakan anggota DPR-RI pariode 2014–2019 dan Wakil Katua DPRD Sumatra Barat pariode 2009–2014.[3] Inyo manikah jo Genny Putrinda, putri dari Leonardy Harmainy, anggota DPD-RI pariode 2017–2019 dan Katua DPRD Sumatra Barat pariode 2004–2009. Inyo dikarunai duo anak banamo Muhammad Athar Raziq Inaaya Septa jo Muhammad Farrel Abhinaya Septa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.