From Wikipedia, the free encyclopedia
Sri Sultan Hamengkubuwana IX (bahaso Jawa: ꦲꦩꦼꦁꦏꦸꦨꦸꦮꦤ꧇꧙꧇; lahia di Ngayogyakarta Hadiningrat, 12 April 1912 - maningga di Washington DC, Amerika Serikat, 2 Oktober 1988 pado umua 76 taun, lahia jo namo Gusti Raden Mas Dorodjatun) adolah Sultan Yogyakarta kasambilan jo Gubernur Daerah Istimewa Yogyakarta nan patamo. Baliau marupoan Wakil Presiden Indonesia kaduo nan manjabaik pado taun 1973–1978. Hamengkubuwana IX marupoan Ketua Kwartir Nasional Gerakan Pramuka nan patamo jo dikana salanjuiknyo sabagai Bapak Pramuka Indonesia.
![]() | |||||||||||||
Biografi | |||||||||||||
---|---|---|---|---|---|---|---|---|---|---|---|---|---|
Lahia | (jv) Gusti Raden Mas Dorodjatun ![]() 12 April 1912 ![]() Yogyakarta ![]() | ||||||||||||
Kamatian | 2 Oktober 1988 ![]() Washington, D.C. ![]() | ||||||||||||
Tampek dimakamkan | Imogiri (id) ![]() ![]() | ||||||||||||
24 Maret 1973 – 23 Maret 1978
3 April 1952 – 2 Juni 1953
4 Maret 1950 – 2 Oktober 1988 ← indak ado nilai – Paku Alam VIII (id) ![]()
20 Desember 1949 – 6 Juni 1950
9 Agustus 1949 – 20 Desember 1949
15 Juli 1948 – 4 Agustus 1949 ![]() | |||||||||||||
Data pribadi | |||||||||||||
Agamo | Islam ![]() | ||||||||||||
Almamater | Universitas Leiden Stedelijk Gymnasium Haarlem (en) ![]() ![]() | ||||||||||||
Kagiatan | |||||||||||||
Karajo | Politikus ![]() | ||||||||||||
Partai politik | politikus independen (id) ![]() ![]() | ||||||||||||
Lain-lain (id) ![]() | |||||||||||||
Gala bangsawan | Sultan (id) ![]() ![]() ![]() | ||||||||||||
Pasangan hiduik | RA Siti Kustina (en) ![]() Pintakapurnama (id) ![]() ![]() | ||||||||||||
Anak | Hamengkubuwana X Joyokusumo Hadiwinoto (id) ![]() Prabukusuma (id) ![]() Yudhaningrat (id) ![]() Adi Kusuma (id) ![]() Adi Surya (id) ![]() ![]() | ||||||||||||
Abak | Hamengkubuwana VIII (id) ![]() ![]() | ||||||||||||
Panghargaan
| |||||||||||||
Lahia di Ngasem, Sompilan, Yogyakarta jo namoo Gusti Raden Mas Dorodjatun, Hamengkubuwana IX marupoan anak kasambilan[1] Gusti Pangeran Puruboyo dari permaisurinyo, Raden Ajeng Kustilah.[2] Pado taun 1914, katiko Dorodjatun belum genap tigo taun, Gusti Pangeran Puruboyo diangkek manjadi Putra Mahkota Yogyakarta.[lower-alpha 1] Dek karano suaminyo manjadi Putra Mahkota, Raden Ajeng Kustilah dapek gala Kanjeng Raden Ayu Adipati Anom pado taun 1915.[4] Walaupun baitu, KRA Adipati Anom indak sempat manjadi Ratu Yogyakarta. Baliau dipulangan ka rumah ayahnyo, KGPA Mangkubumi, sakitar taun 1918–1919.[5] Monfries sarato Roem dkk. manulisan basonyo panyabab pamulangan ko dek rataknyo hubungan antaro KRA Adipati Anom jo mintuonyo;[6] samantaro Romo Tirun[lower-alpha 2] mangatoan basonyo panyababnyo adolah KRA Adipati Anom marupoan katurunan Untung Suropati nan marupoan musuh Balando, sahinggo kajadian ko bamukasuik untuak kaamanan KRA Adipati Anom.[7]
Katiko baumua ampek taun, Dorodjatun diparintah ayahnyo untuak mulai tingga tapisah dari keraton. [3] Dorodjatun katiko itu manangi sajadi-jadinyo jo mamaluak tiang di keraton sabalun dapek dipisahan.[8] Dorodjatun tingga jo kaluargo Mulder, urang Balando nan manjabaik sabagai Kapalo Sikolah Neutrale Hollands Javaanse Jongens School jo tingga di daerah Gondokusuman.[9] Katiko tingga jo kaluargo Mulder, Dorodjatun diagiah namo panggilan Henkie (Henk ketek) nan diambiak dari namo Pangeran Hendrik dari Balando.[10] Namo panggilan tu acok diimbau sampai baliau basikolah jo kuliah di Balando, sarato diimbau pulo dek kawan-kawan dakeknyo mode itu sampai maso tuonyo sabagai Hamengkubuwana IX.[11]
Henkie mandapekan pandidikan patamonyo di taman kanak-kanak Frobel School jo Eerste Europese Lagere School B untuak pandidikan dasanyo. Sataun kudian baliau pindah ka kadiaman kaluargo Cock jo basikolah di Neutrale Europese Lagere School hinggo lulus di bulan Juli 1925.[12] Ayahnyo diangkek manjadi Hamengkubuwana VIII katiko baliau duduak di kelas III sikolah tu,[13] yaitu pado bulan Februari 1921.[14] Di sikolah tu, Dorodjatun basuo jo bakawan samo Sultan Hamid II nan dijuluki Mozes katiko itu.[15]
Dorodjatun manganyam pandidikan manangahnyo di Hoogere Burgerschool (HBS) Semarang mulai bulan Juli 1925. Baliau tingga di kaluargo Voskuil, kaluargo saurang sipir panjaro di Semarang. Dek karano iklim Semarang nan cukuik angek, Dorodjatun maraso indak cocok hinggo dipindahan dek ayahnyo ka HBS Bandoeng pado taun 1928. Disinan baliau basamo abangnyo, BRM Tinggarto, tingga jo saurang tentara militer Balando, Letnan Kolonel De Boer.[16]
Sabalun manyalasaian pandidikan manangahnyo di HBS Bandung, ayah Dorodjatun jo Tinggarto mamarintahannyo untuak baraja ka Balando. Baliau barangkek malalui jalur laut bulan Maret 1930 jo dikawanan dek kaluargo Hofland, nan marupoan kaluargo saurang direktur pabrik gulo di Gesikan.[17] Kaduonyo basikolah di Gymnasium atau Lyceum Haarlem, Balando nan marupoan gabungan dari duo lembaga babeda, yaitu Hoogere Burgerschool B (HBS-B) dan Stedelijk Gymnasium.[18] Di Haarlem, baliau tingga di kadiaman kapalo sikolahnya, Mourik Broekman.[19] Dorodjatun acok diimbau dek Sultan Henk katiko manuntuik ilimu di sikolah tu.[20] Dek karano pabedaan kualitas pandidikan jo Hindia Balando, Dorodjatun harus turun duo kelas di Haarlem.[21] Dorodjatun indak tamasuak siswa nan istimewa ataupun cemerlang disinan. Walaupun nilainyo tagolong rancak, Dorodjatun harus maulang di banyaj mato palajaran, tarutamo hinggo duo kali di palajaran geometri dan trigonometri.[22] Kakaknyo, Tinggarto, saroman pulo takah itu di Haarlem.[23] Dorodjatun basamo Tinggarto berhasil lulus dari sikolah tu pado taun 1934.[24]
Dorodjatun jo abangnyo pindah ka Leiden. Kaduonyo masuak ka paguruan tinggi Rijksuniversiteit Leiden—Universitas Leiden kini ko. Dorodjatun maambiak studi Indologi, studi nan mampalajari administrasi kolonial, etnologi, jo kasusastraan di Hindia Balando;[25] samantato Tinggarto mamiliah studi nan labiah populer, yakni di bidang hukum.[26] Alun sempat manyalasaian tesis untuak gelar doktorandusnyo, Dorodjatun jo sanak-sanaknyo nan di lua negri diimbau dek kaluargonyo pulang ka Jogja untuak baliak ka Hindia Balando sasudah tajadinyo Penyerbuan Jerman ka Polandia taun 1939.[27] Tesis nan ampia salasai tu dibaok dek Dorodjatun dalam kapulangannyo ka Jawa dalam bantuak manuskrip jo alun pernah dikumpuan. Naskah tu hilang jo hanyo dikatahui judulnyo sajo, yaitu "Kontrak Politik antaro Sunan Solo jo Pamarintah Balando".[28] Hinggo akhia hayatnyo, Hamengkubuwana IX alun dapek gelar dari universitas dek karano alun sempat ikuik wisuda kelulusannyo.[29]
Istri | Anak | Minantu |
---|---|---|
BRA Pintakapurnama/KRA Pintakapurnama, putri R.B. Suryokusumo, buyut HB VI (1940) | BRM Murtyanta/GBPH Adi Kusuma/GBPH Hadikusuma | Dr. Sri Hardani |
BRM Kaswara/GBPH Hadisurya | Andinidevi | |
BRA Gusti Sri Murhanjati/GKR Anom | Kolonel Budi Permana/KPH Adibrata | |
BRA Sri Murdiyatun/GBRAy Murdakusuma | KRT Murdakusuma | |
BRA Dra. Sri Murywati/GBRAy Dra. Darmakusuma | KRT Ir Suyono Darmakusuma | |
RA Siti Kustina/BRA Windyaningrum/KRA Widyaningrum/RAy Adipati Anom, putri Raden Wedana Purwowinoto, buyut HB III (1943) | BRM Herjuna Darpita/KGPH Mangkubumi, SH/KGPAA Mangkubumi/Sri Sultan Hamengkubuwana X | Tatiek Drajad Suprihastuti/BRA Mangkubumi/GKR Hemas |
BRM Sumyandana/GBPH Joyokusumo | Hj. Nuraida | |
BRM Ibnu Prastawa/KGPH Hadiwinoto | Aryuni Utari | |
BRA Dr Sri Kuswarjanti/GBRAy Dr. Riyakusuma | KRT Riyakusuma | |
KRA Hastungkara/BRA Kusyadinah, putri Raden Panji Trusthajumena, buyut HB VII (1948) | BRM Harumanta/GBPH Prabukusuma, S.Psi | Kuswarini |
BRM Kuslardiyanta | Jeng Yeni | |
BRM Sulaksmana/GBPH Yudhaningrat, MM. | Raden Roro Endang Hermaningrum | |
BRM Abirama/GBPH Candradiningrat | Hery Iswanti | |
BRA Kushandanari | ||
BRA Sri Kusulodewi/ GBRAy Padmokusumo | KRT Padmokusumo Sastronegoro | |
KRA Ciptamurti, putri KPH/BRA Brongtodiningrat, cucu HB VII | BRM Anindita/GBPH Pakuningrat | Nurita Afridiana |
BRM Prasasta/GBPH Cakraningrat | Lakhsmi Indra Suharjana | |
BRM Arianta/GBPH Suryodiningrat | Farida Indah | |
BRM Sarsana/GBPH Suryomataram | ||
BRM Harkomoyo/GBPH Hadinegoro | Iceu Cahyani | |
BRM Swatindra/GBPH Suryonegoro | Rr. Endang Retno Werid Soelasmi Lim | |
Norma Musa/KRA Norma Nindya Kirana, putri Handaru Widharna
(1977) |
Sahaari sasudah Proklamasi Kemerdekaan Indonesia, Hamengkubuwana IX jo Sri Paku Alam VIII mangiriman telegram ucapan salamaik ka Soekarno, Mohammad Hatta, jo Radjiman Wedyodiningrat dek kemerdekaan Indonesia.[30] Pado tanggal 20 Agustus 1945,[lower-alpha 3] dikiriman baliak telegram dek Hamengkubuwana IX sabagai Ketua Badan Kebaktian Rakyat (Hokokai) Yogyakarta[32] jo manegasan basonyo Yogyakarta "sanggup berdiri di belakang pimpinan" nan diikuikan pulo dek Sri Paku Alam VIII.[33] Paristiwa ko manjadian Yogyakarta sabagai karajaan di Indonesia patamo nan bagabuang jo Republik Indonesia.[34] Pado 5 September 1945, Sultan mangaluaan amanat posisi Yogyakarta sabagai daerah istimewa nan dipimpin dek Sultan sarato batagguang jawan langsuang ka Presiden Republik Indonesia. Paku Alam VIII manyatoan amanat pulo sasudahnyo untuak Kadipaten Pakualaman jo manjadi wakil pemimpin Yogyakarta.[35] Amanat ko ditarimo dek pamarintah pusat nan ditandoi dek tibonyo Mr. Sartono jo Mr. A.A. Maramis di Yogyakarta sabagai perwakilan pamarintah pusat untuak manyarahan piagam panetapan kadudukan Yogyakarta. Piagam ko ditandotangani Soekarno pado tanggal 19 Agustus 1945, sahari sasudah telegram dari Yogyakarta tibo, jo manandoan basonyo Yogyakarta alah manjadi bagian Indonesia.[36]
Dek banyaknyo laskar pemuda sasudah kemerdekaan, tamasuak di Yogyakarta, Hamengkubuwana mamintak para pemuda malapor ka baliau di kantuanyo (Kepatihan) supayo labiah mudah mangorganisasiannyo.[37] Baliau mambantuak Laskar Rakyat Mataram nan kudian disabuik jo Tentara Rakyat Mataram dari laskar-laskar ko.[37] Sri Sultan manjadi panglimanyo samantaro Selo Soemardjan manjadi kapalo stafnyo.[38] Sasudahnyo Hamengkubuwana ditarimo manjadi perwira kahormatan senior dari Tentara Keamanan Rakyat manjadi anggota dewan tertinggi tentara basamo tigo panguaso Catur Sagotra yang lain, serta menerima pangkat jenderal kehormatan bulan November 1945.[37]
Sajak 1946 baliau pernah manjabaik sabagai menteri pado kabinet nan dipimpin Presiden Sukarno. Jabatan resminyo pado tahun 1966 adolah Menteri Utama di bidang Ekuin. Pado tahun 1973 baliau diangkek sabagai wakil presiden. Pado akhia maso jabatannyo tahun 1978, baliau manulak dipiliah baliak sabagai wakil presiden dek alasan kesehatan baliau. Tapi ado rumor nan mangatoan basonyo alasan nan subananyo iolah dek baliau indak suko Presiden Soeharto nan represif sarupo pado Peristiwa Malari jo hanyuik di KKN.
Dek jaso-jasonyo ka Republik Indonesia, Sri Sultan Hamengkubuwana IX dianugerahi gelar pahlawan nasional pado taun 1990 manuruik Surat Keputusan Presiden Republik Indonesia Nomor 53/TK/Tahun 1990.
Hamengkubuwana IX banyak pulo tando kahormatan dari dalam maupun luar negeri. Tando kahormatan tu diantaronyo:
Walaupun sibuk di bidang pamarintahan, Hamengkubuwana IX peduli jo ka seni sarato budaya di Yogyakarta.Baliau mawarisan Tari Golek Menak nan tainspirasi dari carito wayang golek jo Serat Menak nan basumber ka Hikayat Amir Hamzah.[48] Baliau pernah pulo mawarisan Tari Bedhaya Sapta[lower-alpha 4] nan dimainan de tujuah urang, tari ko indak sarupo jo tari umumnyo nan dimainan dek sambilan urang.[49] Salain itu, ado pulo Bedhaya Sangaskara[lower-alpha 5] atau Bedhaya Manten nan dimainan anam urang katiko pernikahan putra putrinyo.[50] Tari Bedhaya Arya Penangsang jo Bedhaya Damarwulan diciptaan pulo dek baliau.[51]
Salain manekuni bidang tari, Sultan menekuni bidang fotografi pulo.[52] Ado duo kamera nan acok dipakainyo nan kini disimpan di Museum Hamengkubuwana IX, Keraton Yogyakarta. Dari banyaknyo hasil potret Hamengkubuwana IX, ado katiko Mohammad Hatta basalaman jo pamain sepak bola dari Mozambik, pado tahun 1955. Di tahun nan samo, baliau sempat pulo mamoto atlet kejuaraan atletik Ikada (Ikatan Atletik Djakarta) di Stadion Ikada, Jakarta. Pado tahun 1972, Sultan sempat mangabadian Candi Borobudur sabalun dipugar.[53][54]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.