G20 ekonomi gadang
From Wikipedia, the free encyclopedia
Kelompok Duo Puluah atau disabuuik jo G20 (bahaso Inggirih: Group of Twenty) adolah kalompok nan tadiri 19 negara jo Spanyol sabagai tamu tetap jo parekonomian gadang di dunia ditambuah jo ciek organisasi antarpamarentah jo supranasional yaitunyo Uni Eropa. Sacaro resmi G20 dinamoan The Group of Twenty (G20) Finance Ministers and Bank Governors atau kalompok duo puluah Menteri Kauangan jo Gubenur Bank Sentral. Kalompok iko dibantuak taun 1999 sabagai forum antar pamarentah nan sacaro sistematis mahimpun kakuatan-kakuatan ekonomi maju jo bakambang untuak bamufakaik jo isu-isu pantiang parekonomian dunia. Partamuan partamo G20 balangsuang di Berlin, 15-16 Desember 1999 jo tuan rumah menteri keuangan Jerman jo Kanada.[1]
██ Negara anggota G-20 ██ Anggota Uni Eropa nan indak diwakili dek ciek negara surang ██ Tamu undangan | |
Singkatan | G20 |
---|---|
Pambantuakan | 26 September 1999; 24 tahun nan lalu (1999-09-26) 2008 (2008) (Patamuan kapalo negara atau kapalo pamarentahan) |
Jinih | Forum konsultasi |
Tujuan | "Mewadahi negara-negara industri nan bakambang secaro basamo-samo mendiskusian babagai masalah kunci di bidang ekonomi dunia." |
Lokasi | Pragati Maidan, Delhi, India (2023) |
Kaanggotaan | |
Ketua | Narendra Modi, Perdana Menteri India (2023) |
Laman web | g20.org |
Lata Balakang mulonyo dibantuak forum iko dek karano tajadinyo Krisis Kauangan 1998 jo pandapek nan timbua di forum G7 manganai kurang efektifnyo patamuan jikok indak malibekan kakuatan-kakuatan ekonomi lain supayo kaputusan-kaputusan nan dibuek punyo pangaruah nan labiah gadang jo mangakomodasi kapantiangan nan barangkali indak takakok dek kalompok ketek itu. Kalompok iko mahimpun hampia 90% produk nasional bruto (PNB, GNP) dunia, 80% total padagangan dunia jo duo par tigo panduduak dunia.
Sabagai forum ekonomi, G20 labiah banyak manjadi ajang konsultasi jo karajo samo manganai sistem moneter internasional. tadapek patamuan nan taratur untuak mangkasji, maninjau, jo mandorong diskusi di antaro negara industri maju jo nan sadang bakambang takamuko manganai kabijakan-kabijakan nan mangarah pado stabilitas kauangan internasional jo mancari jalan untuak mamacah masalah nan indak dapek diatasi dek ciek negara tatantu sajo.