![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Daniel_Dennett_2.jpg/640px-Daniel_Dennett_2.jpg&w=640&q=50)
Daniel Dennett
panulih, filsuf, dan ilmuwan kognitif Amerika Sarikat / From Wikipedia, the free encyclopedia
Daniel Clement "Dan" Dennett III (lahia 28 Maret 1942)[1][2] adolah saurang panulih, filsuf, dan ilmuwan kognitif Amerika Sarikat. Sumbangannyo ado di bidang filsafat pikiran, filsafat sains, filsafat biologi, biologi evolusioner, dan sains kognitif.[3]
Dennet mangatoan bahwasanyo inyo partamo kali dikenalan jo gagasan filsafat kutiko ikuik pakemahan musim paneh di usia 11 taun, katiko saurang konselor pakemahan bakato kapadonyo, "Waang tau siapo diri ang, Daniel? Ang adolah saurang filsuh." Dalam salah ciek bukunyo nan alah ditajamahan kadalam Bahaso Indonesia nan bajudul Ragam Akal Budi, Dennet mangutaroan bahwa dirinyo saurang filsuf nan sangaik pandai mangajuan partanyaan daripado manyadioan jawaban. Baliau bapandangan bahwa para filsuf dapek mambari sumbangan nan elok dalam panyalidikan untuak mamahami diri surang jo dunia dalam proyek gadang umaik manusia jo caro mangajuan partanyaan-partanyaan nan labiah elok diajuan, sarato malapeh diri dari kabiasaan dan tradisi batanyo nan lamo. Contohnyo katiko baliau mangajuan babarapo partanyaan sarupo dibawah iko untuak mamahami jo manganali akabudi kito surang.[4]
- Bisa ndak kito batua-batua mangatahui apo nan sadang tajadi dalam akabudi urang lain?
- Bisa ndak saurang padusi bana-bana tahu baa rasonyo manjadi laki-laki?
- Pangalaman apo nan dipunyo dek bayi katiko inyo lahia?
- Pangalaman apo jikok ado, nan dipunyoi janin di dalam rahim amaknyo?
- Bagaimano jo akalbudi nonmanusia?
- Api nan dipikian dek kudo?
- Mangaa buruang bangkai indak mual dek bangkai busuak nan inyo makan?
Dan sataruihnyo. Dennet juo manggambaran dirinyo sabagai saurang autodidak atau labiah tapeknyo, panarimo manfaaik dari ratuihan jam tutorial informal di sadoalah bidang nan inyo suko jo minati, dari babarapo ilmuwan takamuko di dunia.