Biologi
From Wikipedia, the free encyclopedia
Biologi adolah kajian tantang kahidupan, jo organisme iduik, tamasuak struktur, fungsi, patumbuahan, evolusi, pasebaran, jo taksonominyo.[1] Ilimu biologi modern sangaik laweh, dan eklektik, sarato tadiri dari babagai macam cabang, dan subdisiplin. Namun, walaupun lingkuiknyo laweh, ado babarapo konsep umum nan maatua sadoalah panalitian, sainggo manyatukannyo dalam ciek bidang. Biologi umumnyo maakui sel sabagai satuan dasa iduik, gen sabagai satuan dasa pawarisan, jo evolusi sabagai mekanisme nan mandorong taciptanyo spesies baru. Salain itu, organisme diyakini batahan jo mangonsumsi, sarato maubah energi nan jo maregulasi kaadaan dalamnyo bia tatap stabil, jo vital.
Subdisiplin biologi didefinisikan manuruik skala organisme nan dikaji, jinih organisme nan dikai, sarato metode nan dipakai untuak mangkajinyo antaro lain:[2]
- Biokimia mangkaji kimia kahidupan.
- Biologi molekuler takaik jo interaksi anta molekul biologis.
- Botani mangkaji biologi tumbuahan
- Biologi seluler manaliti satuan dasa sado kahidupan, yaitu sel
- Fisiologi mangkaji fungsi fisik, dan kimia jaringan organ, jo sistem organ suatu organisme
- Biologi evolusioner manaliti proses nan maasiakan kaanekaragaman hayati; jo ekologi mangkaji interaksi antaro organisme jo lingkuangnyo.
Urang nan ahli dalam bidang biologi ko disabuik ahli biologi, biologiwan, atau biolog