Basmalah
From Wikipedia, the free encyclopedia
Basmalah (bahaso Arab: بَسْمَلَة, basmalah; disabuik juo Bi-smi llāh; بِسْمِ ٱللَّٰهِ, "Jo manyabuik namo Allah",[1] atau Tasmiyyah, تَسْمِيَّة) adolah frasa dalam agamo Islam nan bamakna "Jo manyabuik namo Allah Nan Maha Pangasiah jo Maha Panyayang" (bahaso Arab: بِسْمِ ٱللَّٰهِ ٱلرَّحْمَٰنِ ٱلرَّحِيمِ, bi-smi llāhi r-raḥmāni r-raḥīmi). Bacaan iko diucapkan satiok surang Muslim malakukan sumbayang jo dianjurkan dibaco satiok mamulai kagiatan sahari-harinyo sahinggo apo pun nan inyo karajoan samato-mato niaik karano Allah sarato mandapek an restu ateh karajonyo tu.
Salain digunoan dalam kagiatan harian, digunokan pulo dalam konstitusi nagara nan manatapkan Islam sabagai agamo rasmi jo umumnyo kalua dalam pambukaan/mukadimah konstitusi tasabuik, takah [2] Arab Saudi,[3] Bahrain,[4] Bangladesh,[5] Brunei,[6] Iran,[7] Irak,[8] Kuwait,[9] Libya,[10] Maladewa,[11] Mesir,[12] Pakistan,[13] Tunisia[14], jo Uni Emirat Arab.[15]
Basmalah ado disatiok surek dalam al-Qur'an, kacuali Surek at-Taubah.[16] Parbantahan umaik muslim takaik panggunoan basmalah dalam mushaf al-Quran (ado nan mamakainyo, ado nan indak) mancapai kasapakatan akhia katiko tabiknyo Edisi Kairo, nan di dalamnyo mamuek basmalah sabagai ayat patamo Surek al-Fatihah, tapi digunoan pulo sabagai awalan dari 112 surek nan lainnyo, ditandoi sabagai ayaik indak banomor.[17]
Kato basmalah dipakirokan punyo varian awal nan alah muncua dalam manuskrip Arab sajak abaik ka-5 jo ka-6.[18]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
