Bahaso Besemah

Bahaso Besemah, disabuik juo Pasemah, adolah sabuah bahaso Austronesia dari rumpun bahaso Melayik. Bahaso ko ditutuaan dek saindaknyo 400.000 urang di dataran tinggi barat daya Sumatra, utamonyo di provinsi Sumatra Selatan dan Bengkulu.^[1] Pado taun 2008, sabagian ahli bahaso manggabuangkan bahaso ko basamo bahaso-bahasodi Sumatera Selatan lainnyo (Semende, Ogan, Serawai, dsb.) dalam ciek namo iyolah bahaso Malayu Tangah (Central Malay Language, jo kode bahaso pse).^[2]

Bahaso Besemah Bahaso Pasemah
Bahase Besemah
Ditutuakan di	Indonesia
Jumalah panutua	400.000  (indak ado tanggal)
Rumpun bahaso	Austronesia Malayo-Polinesia Malayo-Polinesia Inti Sunda–Sulawesi Malayik Malayu Malayu Tangah Bahaso Besemah Bahaso Pasemah
Sistim panulihan	Latin (Alfabet Indonesia)
Kode-kode bahaso
ISO 639-3	–
Linguist List	pse-pas Pasemah, Besemah

Klasifikasi

Besemah dianggap sabagai bagian dari kalompok isolek Melayik nan ditutuaan di satangah selatan Bengkulu sarato dataran tinggi di bagian barat Sumatra Selatan, sacaro tradisional disabuik sabagai kalompok bahaso Malayu Tangah.^[3][4][5][6]

Sacaro sosiolinguistik, bahaso Besemah dapek pulo dikalompokkan sabagai bahaso Malayu asali, dek bahaso ko marupokan bagian dari ragam kecek tradisional urang-urang Melayik. Hal ko mamisahkan bahaso Besemah dari ragam tulisan historis, bak cando bahaso Malayu Kuno jo bahaso Malayu Klasik, sarato ragam Malayu kreol umpamo bahaso Melayu Ambon jo bahaso Melayu Sri Lanka.^[7]

Fonologi

Vokal

	muko	tangah	balakang
tinggi	i		u
medial		ə
randah		a

Konsonan

	bilabial		alveolar		pos-alveolar/ palatal		velar		glottal
sengau		m		n		ɲ ⟨ny⟩		ŋ ⟨ng⟩	ʔ ⟨k⟩
letup	p	b	t	d			k	ɡ
desis			s					ɣ ⟨gh⟩	h
afrikat					tʃ ⟨c⟩	dʒ⟨j⟩
kepak/getar				r
lateral				l
hampiran		w				j ⟨y⟩

Rujuakan

1. McDowell, Jonathan (2007) The Malays of southern Sumatra: Unity in diversity, the Eleventh International Symposium on Malay/Indonesian Linguistics, Manokwari, Indonesia.
2. Ethnologue - Central Malay language
3. Brandes, Jan Laurens Andries (1884) Bijdrage tot de vergelijkende klankleer der Westersche afdeeling van de Maleisch-Polynesische taalfamilie. Utrecht: Van de Weijer.
4. Voorhoeve, Petrus (1955) Critical survey of studies on the languages of Sumatra, Koninklijk Instituut voor Taal-, Land- en Volkenkunde Bibliography Series, vol. 1. The Hague, Netherlands: ’s-Gravenhage - Martinus Nijhoff.
5. Adelaar, K. Alexander (1992) Proto-Malayic: The Reconstruction of its Phonology and Parts of its Lexicon and Morphology. 119, Canberra, A.C.T., Australia: Department of Linguistics, Research School of Pacific Studies, the Australian National University.
6. McDonnell, Bradley (2009) A Conservative Vowel Phoneme Inventory of Sumatra: The Case of Besemah. Oceanic Linguistics 47(2): 409–432.