![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d4/Alcohol_general.svg/langmin-640px-Alcohol_general.svg.png&w=640&q=50)
Alkohol
From Wikipedia, the free encyclopedia
Dalam kimia, alkohol (atau alkanol) adolah istilah nan umum untuak senyawa organik apo pun nan mamiliki guguih hidroksil (-OH) nan tarkabek pado atom karbon,[1] nan inyo surang takabek pado atom hidrogen dan/atau atom karbon lain.
![Thumb image](http://upload.wikimedia.org/wikipedia/commons/thumb/d/d4/Alcohol_general.svg/180px-Alcohol_general.svg.png)
![Thumb image](http://upload.wikimedia.org/wikipedia/commons/thumb/0/02/Alcohol.png/640px-Alcohol.png)
Alkohol acok dipakai untuak manyabuik etanol, nan juo disabuik grain alcohol, dan kadang untuak minuman nan manganduang alkohol. Hal iko disababkan dek memang etanol nan digunokan sabagai bahan dasa pado minuman tasabuik, bukan metanol, atau grup alkohol lainnyo. Baitu juo jo alkohol nan digunokan dalam dunia farmasi. Alkohol nan dimukasuikkan adolah etanol. Sabananyo alkohol dalam ilimu kimia mampunyoi arati nan labiah laweh lai. Kelas alkohol nan pantiang, nan metanol jo etanol adolah bagian nan paliang sederhana, mancakuik sadoalah senyawa nan mamiliki rumus umum CnH2n+1OH.
Akhiran -ol muncua dalam panamoan kimia IUPAC untuak sadoalah zat nan mampunyoi guguih hidroksil sabagai guguih fungsional jo prioritas tatinggi. Katiko guguih jo prioritas nan labiah tinggi ado di dalam senyawa tasabuik, awalan hidroksi- digunokan dalam namo IUPAC-nyo. Akhiran -ol dalam namo non-IUPAC (cando parasetamol atau kolesterol) biasonyo juo manunjuakkan basonyo zat tasabuik adolah alkohol. Namun, banyak zat nan manganduang guguih fungsi hidroksil (utamonyo gulo, sarupo glukosa jo sukrosa) mamiliki namo nan indak mamasuakkan akhiran -ol, maupun awalan hidroksi-.