Alam
From Wikipedia, the free encyclopedia
From Wikipedia, the free encyclopedia
Alam (dalam arorti lowe punyo makna nan satara jo dunia alam, dunia fisik, atau dunia materi) mangacu kapado fenomena dunia fisiak dan jua kahidupan sacaro umum. Skala alam tabontang dari sub-atomik hinggo kosmik. Studi tontang alam iyolah bagian bosegh dari ilimu pangatahuan. Dek biktu manusia iyolah bagian dari alam, kagiatan manusia salalu dipahami sabagai kategori tapisah dari fenomena alam lainnyo.
Kato alam marupoan tajamahan dari bahaso Inggirih "nature", nan baâsa dari kato Latin natura, atau "kualitas esensial, disposisi bawaan", dan pado zaman dulu, sacaro harfiah barorti "kalahiran".[1] Natura iyolah tajamahan Latin dari kato Yunani physis (φύσις), nan awalnyo takaik jo karakteristik bawaan nan dipunyo tanaman, hewan, dan babagai fitur lain di dunia.[2][3]
Pado babagai panggunoan kato tasabuik kini, "alam" salalu mangacu kapado geologi dan kahidupan liar. Kato alam mungkin mangacu sacaro umum ka babagai jinih tanaman hiduik dan hewan, dan dalam babarapo kasus ka proses nan bahubuangan jo bando mati – manganai kabaradoan jinih-jinih tatontu suatu bando dan bagaimano inyo baubah surang, ajak cuaca dan geologi di Bumi, dan materi sarato energi dari mano sadonyo hal-hal tasabuik tasusuan darinyo. Kato iko salalu diarortikan sabagai "lingkuangan alam" atau hewan liar, batu, hutan, pantai, dan sacaro umum hal-hal nan alun diubah sacaro substansial dek campua tangan manusia, atau nan batahan bilo ado intervensi manusia. Sabagai contoh, objek nan dibuek dan interaksi manusia umumnyo indak dianggap sabagai bagian dari alam, kacuali jiko dinilai sabagai objek tasabuik, misalnyo, "sifaik manusia" atau "saluruah alam". Konsep nan labiah tradisional dari hal-hal alami tasabuik, nan masih dapek ditamui kini, manyiratkan pambedo antaro alami dan buatan, nan dimaksud jo kato buatan dipahami sabagai hasia kasadaran atau pikiran manusia. Tagantuang pado konteks tatontu, istilah "alam" dapek juo dibedaan dari nan indak wajar, supernatural, atau sintetis.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.