Āhia
paparahi / From Wikipedia, the free encyclopedia
Ko Āhia tētahi o ngā paparahi e whitu i roto i te punaha tatau paparahi tuku iho nō Ūropi. I te mea he 43,810,582 km2 tōna rahinga whenua, ā, e 4.3 piriona ōna kainoho, ko Āhia te paparahi nui rawa o te ao (8.6% o te mata o Papatūānuku, 29.4% rānei o te matawhenua maea) me te paparahi taupori maha rawa hoki (āhua 60% o te taupori aorere). Noho ana a Āhia ki te haurua rāwhiti o te tuakoi raki, mai te Moana Arctic i te raki ki te Moana Īnia i te tonga. Ko ngā Maunga Ural te roherohe hauāuru, ā, ko te Moananui-a-Kiwa te takutai i te rāwhiti.
Rahi | 44,579,000 km2 (17,212,000 sq mi)[1] |
---|---|
Taupori | 4,164,252,000 (1st)[2] |
Taupori kiato | 87/km2 (225/sq mi) |
Whenua | (Mātai Whenua Tōrangapū) |
Rohe whakamihi-kore | List
|
Reo | Rārangi reo |
Wāhiwā | UTC+2 ki UTC+12 |
TLD ipurangi | .asia |
Ētahi atu tāone hira | List of metropolitan areas in Asia by population Rārangi tāone o Āhia |
Ahakoa tēnei whakamāramatanga auau, ehara a Āhia i te hinonga mātai whenua motuhake, he aroro ā-ahurea kē. E ai ki te whakaaro mātai whenua taikaha, he wāhanga ngātahi a Āhia me Ūropi o te paparahi kotahi a Eurāhia, tērā rānei he wāhanga ēnei e rua me Āwherika o te tuapaparahi o Āwhe-Eurāhia.
E 48 ngā whenua ki Āhia, ā, neke atu i te 100 ngā tāone. Kei tēnei paparahi te puke tiketike rawa o te ao, Maunga Everest, 8,848m te tairanga, me te pourewa tiketike rawa o te ao: te Burj Khalifa, ki te tāone o Dubai, 828m te tairanga.