Юлсер федерал йырвел
From Wikipedia, the free encyclopedia
Юлсер федерал йырвел (рушла Приво́лжский федера́льный о́круг) — Россий президентын кӱштыкшӧ почеш чоҥалтше административно-территориальный формирований. 2000-ше ийыште Ага тылзын 13 кечынже чоҥалтын. У йырвелыш Юл эҥерын кӱшыл да кыдалаш ужашыштыже верланыше регион-влак, тыгак, Урал курыкын касвелныже верланыше регион-влак пуреныт.
Россий Федерацийысе кумдык деч Юлсер йырвел 6,08 % налеш.
Юлсер федерал йырвелын калыкчотшо 29 млн 900 тӱж. 359 еҥ (2010 ий).[1] Тиде Россий калыкчот деч 20,9 %. Олаште илыше-влак шукырак улыт. Мутлан, Самара велышыте олаште илыше-влакын чотышт 80 % (Россий кӱкшытыштӧ олаште илыше-влакын чотышт - 73 %).
Российысе экономикыште Юлсер федерал йырвелын йӧнозанлык йӧндартыш 23,9 %-ым айла. Тиде эн шуко (кокымшо верыште Рӱдӧ федерал йырвел).
Российысе инвестиций-влак кокла гыч Юлсер федерал йырвелыш пуртымо инвестиций кугыт 15,3 % наре.