![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Cecil_b_de_mille_directing.png/640px-Cecil_b_de_mille_directing.png&w=640&q=50)
Режиссёр
From Wikipedia, the free encyclopedia
Режиссёр (французла régisseur — «заведующий», лат. rego — «виктарем» деч) — спектакльым, киносӱретым, радиопередачым да монь ямдылыше еҥ[1], сымыктыш пашаеҥ, театр, кинематограф, телевидений, цирк, эстрадыште тыршен кертеш.
![Thumb image](http://upload.wikimedia.org/wikipedia/commons/thumb/2/23/Cecil_b_de_mille_directing.png/320px-Cecil_b_de_mille_directing.png)
Икымше гана Российыште «режиссёр» мутым В. И. Даль шке мутерыштыже умылтара: «Актер-влакым вуйлатыше, модмашым, представленийым виктарыше, мом пуаш, мом шындаш ойырышо, роль-влакым пуедыше»[2]. Режиссёр паша театр пелен шочын. Вара XX курым тӱҥалтыште режиссуро киношко куснен. Тидлан шке вийыштым шуко пыштеныт: Чарли Чаплин, Д. У. Гриффит, Г. В. Пабст.
Южгунам спектакль але кинофильмым ик режиссёр веле огыл шында. Тидын годым тӱҥ режиссёр (чыла пашам вуйлатыше да виктарыше) «режиссёр-постановщик» лӱмдалтеш, тудын лишыл творческий полышкалышыже — «режиссёр» лиеш. Изирак пашам «режиссёр-ассистент» але «режиссёрын ассистентше» шукта.
Кажне сымыктыш пашаште режиссёр тӱҥ пашам ок шукто, мутлан, балетыште тӱҥ пашам балетмейстер ышта.