17 вӱдшор (17 апрель) — григориан кечышот почеш идалыкын 107-ше (кужемдыме ийлаште — 108-ше) кечыже. Идалык пытыме марте 258 кече кодеш.
| ← вӱдшор → | ||||||
| Шч | Кш | Вр | Из | Кг | Шм | Рш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
| 2024 ий | ||||||
Гемофилийын тӱнямбал кечыже.
Американ Самоа — Тисте кече[1].
Казахстан — Тулазап ваштареш кучедалше службын кечыже[2].
Куба — Контрреволюцийым сеҥыме кече (1961 ий гыч).
Россий — Российысе ОВД да ВВ МВД ветеран-влакын кечышт (элкӧргӧ органласе да войскасе ветеран-влакын кечышт) (2011 ий гыч).
Сирий — Эрык кече (1946 ий гыч). Йот элысе войска-влакым эвакуироватлыме кече.[3]
Японий — Йоча-влакым аралыме кече[4].
- Католик лӱм-влак: Аникет/Аницет, Екатерина
- Танле (православный) лӱм-влак: Адриан, Амвросий, Вениамин, Георгий, Зосима, Иван, Иосиф, Каллиник, Мария, Никита, Никифор, Николай, Пафнутий, Феодор, Феона, Фервуфа, Фома, Яков
Тугак ончо: Категорий:Вӱдшор тылзын 17 кечысе событий-влак
- 1824 ий — Россий ден США коклаште Йÿдвел Америкысе чек шотышто конвенцийым пеҥгыдемдыме.
- 1912 ий — «Ленский расстрел» лийын. Лена эҥер воктене шöртньым кычалше пашазе тÿшкам амал деч посна лÿен пуштмаш революций толкынлан кугу шÿкалтышым ыштен.
- 1941 ий — инженер Игорь Сикорский икымше вертолёт-амфибийым ыштен.
Тугак ончо: Категорий:Вӱдшор тылзын 17 кечынже шочшо-влак
- 1928 ий — Маслихин, Виталий Дмитриевич, туныктыш да шанче пашаеҥ, философ, Марий Эл Республикын сулло шанчыеҥже. Марий кугыжаныш педагогик институтышто 30 ий утла пашам ыштен. Социал философий, антропологий дене кылдалтше 100 наре шанче пашам возен.
- 1939 ий — Веркау, Борис Рихардович, режиссёр, Марий Эл Республикысе сымыкытышын сулло пашаеҥже. 1980-1999-ше ийлаште тудо Йошкар-Оласе Руш драмтеатрын спектакльым шындыше режиссёрлан тыршен. А вара курчак театрышке толын. Комедий жанрыште кугу специалистлан шотлалтеш.
- 1955 ий — Ершов, Василий Григорьевич, Мари-Турекыште шочын-кушшо сӱретче. Паша корныжо Мари-Билямор ялысе тӱвыра пӧртыштӧ тӱҥалын. Умбакыже заводышто сӱретче-оформительлан тыршен. 2001-ше ийыште Йошкар-Оласе администрацийын йӧнозанлык пӧлкажын тӱҥ специалистшылан шогалын. Финно-угор толкын тистын да эмблемын авторжо. Тыгак ятыр марий книга-влакын иллюстраторжо улеш.
- 1960 ий — Бочкарёва, Лидия Ивановна, мурызо, Марий Эл Республикын сулло артисткыже. Поранча кундем Олор ялыште шочын. Йошкар-Оласе сем училищым тунем лекмек, кугыжаныш филармонийыш капеллын солисткыжлан пашам ышташ пурен. А 1988-ше ийыште, «опер мурызо» специальностьым налмек, Эрик Сапаев лӱмеш опер да балет театрыште солисткылан тыршаш тӱҥалын.
- 1983 ий — Максимова-Бессонова, Светлана Аркадьевна, мутмастар. Юлсер кундем Ӱлылсола ял гыч. Йоча годымжак сылнымут дек шӱмаҥын да «Юл увер» районысо газет дене кугу кылым кучаш тӱҥалын. Светланан «Тыйым вел йӧратем…» лӱман ойлымаш, новелле да почеламут сборникше савыкталтын.
Тугак ончо: Категорий:Вӱдшор тылзын 17 кечынже колышо-влак
Шнуй Иосифын кечыже. Тиде кечын тыгай калык палым эскереныт: илепу ужар лышташ нерым ончыкта гын – тений шÿльö сайын шочеш. Каваште турням ужат гын, турнян кычкырыме годым мландÿмбак шуҥгалтман да пöрдалман – тыге шушаш шошо ага жапыште кыдалет да тупет чот коршташ ок тÿҥал – маныныт.
 |
17 вӱдшор Викиклатыште? |
|---|
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
