28 вӱдшор (28 апрель) — григориан кечышот почеш идалыкын 118-ше (кужемдыме ийлаште — 119-ше) кечыже. Идалык пытыме марте 247 кече кодеш.
Пашам аралыме тӱнямбалсе кече. 1989-ше ийыште американ да канадысе пашаеҥ-влак икымше гана пашаште эмганыше але илыш дене чеверласыше йолташышт-влакым шарныме кечым палемденыт. Уло тӱня калык тиде эҥгек нерген шоналтыже манын, калыккокласе паша ушем 28 апрельыште пашам аралыме тӱнямбалсе кечым палемда.
Афганистан: Афган калыкын джихадыште сеҥыме кече (1989—1992 ийласе граждан сарыште).
- Танле (православный) лӱм-влак: Анастасия, Андрей, Аристарх, Василиса, Виктор, Зосима, Кондрат, Лукьян, Мстислав, Савва, Трофим.
- Католик лӱм-влак: Павел, Пётр.
Тугак ончо: Категорий:Вӱдшор тылзын 28 кечысе событий-влак
- 1914 ий — УАШыште икымше кондиционерлан патентым налыныт.
- 1955 ий — Байконур космодромым чоҥаш тÿҥалыныт.
- 2001 ий — космосыш икымше турист Деннис Тито чоҥештен.
Тугак ончо: Категорий:Вӱдшор тылзын 28 кечынже шочшо-влак
- 1939 ий — Тамара Ивановна Чиркова, чоҥышо, Россий Федерацийын сулло чоҥышыжо шочын. Йошкар-Олаштак шинчымашым поген, Марстройтрестыште мастерлан да тӱҥ инженерлан тыршен. 17 ий ССУ-7 ушемын вуйлатышыже лийын. Тудын пашаже аклыде кодын огыл: ятыр чап танык, «Знак Почёта» да Йошкар Знамя Паша орден-влак дене палемденыт.
- 1954 ий — Виталий Тимраевич Михайлов, марий шанчызе, фольклорист, туныктышо, педагогике шанче кандидат (2005), доцент (2010).
- 1968 ий — Василий Александрович Мурашов, Шернур кундем Кукнур Ямкайыште шочын-кушшо ял озанлык вуйлатыше. Уста вуйлатыше «Кукнур кундем» колхозышто пашам ышта. Ял озанлыкым, ялысе илышым нӧлтымаште кугу вийым пуэн шога.
- Иисус Христосын Иерусалим олаш пурымо кече. Кресаньык-влак шке омшаньыкыштым тергеныт: мÿкш-влакым лукташ ямдылалтыныт. Тыгак поланын да пызлын лышташнерыштым погеныт: пÿй корштымо деч вартышым шолтеныт.
- А марий калык тиде кечым Воштыр пазар але Кичке пайрем манеш. Ожно кугезына-влак тиде кечын тыгай йÿлам шуктеныт: пызле воштырым налын, сурт-оралтым перкален коштыныт – тыге чыла осал вийым поктеныт.