25 сӱрем (25 июль) — григориан кечышот почеш идалыкын 206-шо (кужемдыме ийлаште — 207-ше) кечыже. Идалык пытыме марте 159 кече кодеш.
Даний — Истедский кучедалмаш.
Испаний — Галисия кече.
Коста-Рика — Гуанакасте кече.
Тунис — Республик кече.
Пуэрто-Рико — Конституций кече.
Белоруссий — Тул ваштареш кучедалше службын кечыже.
Россий — Следственный органыште тыршыше-влакын кечышт.
- Католик лӱм-влак: Христофор, Яков.
- Танле (православный) лӱм-влак: Антон, Арсений, Вероника, Гавриил, Иван, Мария, Михаил, Фёдор.
Тугак ончо: Категорий:Сӱрем тылзын 25 кечысе событий-влак
Тӱня мучко
- 1947 ий — Прага олаште самырык-влакын да студент-влакын икымше тӱнямбал фестивальышт эртен.
Тугак ончо: Категорий:Сӱрем тылзын 25 кечынже шочшо-влак
- 1926 ий — Илья Яковлевич Яковлев, Морко кундем Курыкйымал ялыште озанлык вуйлатыше, Марий Эл Республикысе ял озанлыкын сулло пашаеҥже. 13 ияш годымжак «Йошкар Патыр» колхозышто счетоводлан пашам ышташ тӱҥалын. 18 ийым темымеке Кугу Ачамланде Сарышке каен. 1956-1987-ше ийлаште «Сталинград»/»Рассвет» колхозын вуйлатышыже лийын. «Знак Почёта» да Йошкар Знамя Паша орден дене палемдалтын.
- 1928 ий — Геннадий Степанович Патрушев, марий йылмызе, шанчызе, туныктышо, филологий шанче кандидат (1955), доцент (1965).
- 1955 ий — Раиса Лукияновна Яшметова, тӱвыра пашаеҥ, Марий Эл Республикысе сымыктышын сулло пашаеҥже. Морко кундемысе Кожлаер ялыште шочын. Шинчымашым Йошкар-Оласе сем училищыште да Озаҥысе консерваторийыште поген. Марий кугыжаныш филармонийын художественный вуйлатышыже лийын, тыгак тӱҥ вуйлатыше сомылымат шуктен, музык училищыштат вуйлатыме пашам вӱден. Лач тудын вуйлатымыж почеш «Чолга шӱдыр», «Новое поколение выбирает», «Звёзды над Кокшагой» лӱман фестиваль-влак эртеныт.
- 1961 ий — Владимир Викторович Ермаков, ял озанлык пашаеҥ. Шкеже тудо У Торъял кундем гыч. Паша корныжо шочмо районысо «1 май» колхоз дене кылдалтын: тыште тудо экономистлан шога. Мер пашаштат Владимир Викторович кугу пагалымашым сулен: 8-ше Марий погынын делегатше лийын.
- Проклын кечыже. Калык ой почеш, тиде кече деч вара эрдене шолдыра лупс возаш тӱҥалеш. А Прокл кечын вочшо лупс пайдалылан шотлалтын, тудо чыла чер дечат эмла – маныныт.
- Марий-влакат лупсым онченыт. Эрдене лупс вичкыж, йӱр толшашлан. Эрдене лупс шолдыра шырчан гын – оярлан. Йӱдым лупс возеш гын, йӱр вашке ок лий.