Vinany (fanao)

Ny vinany, izay mety hatao hoe sikidy na faminaniana na fanandroana ihany koa, dia fomba fanao amin' ny ôkoltisma sy metafizika izay ikendrena ny hahita izay tsy fantatra: ny hoavy, ny miafina, ny lasa, ny harena, ny aretina tsy hita maso, ny tsiambaratelo, ny zava-miafina, sns amin' ny fomba tsy voasaina. Na lahateny faminaniana izany na fahitana ivelan' ny taovam-pandrenesana, ireo izay mampihatra izany dia milaza fa manana fahalalana tsy azo hazavaina ara-tsiansa momba ny hoavy na ny miafina.

Ity lehilahy ao Rhumsiki any Kamerona ity dia milaza ny hoavy amin' ny fandikana ny fiovan-toeran' ny zavatra isan-karazany vokatry ny fihetsehan' ny fozan-dranomamy amin' ny alalan' ny fanaovana nggàm.

Ny vinany dia fanao izay misy karazany maro: fiasa mandeha ho azy na misy fitsipika arahina (ny nofy, ny rano na ny menaka), nentim-paharazana (ny sikidy, ny Ifa ao amin' ny vahoaka iôroba, ny Yi Jing sinoa) na môderina (ny fampiasana ny tarehin-tsoratra ronika), an' ny vahoaka tsotra (ny fampiasana ny karatra) na an' ny manam-pahaizana (ny fanandroana indiana), ampahany ao amin' ny fivavahana iray (ny vinany tany Grisia taloha, ny rishi ao amin' ny fivavahana indiana).