Ny Panicum dia zavamaniry maro ao amin' ny fianakavian' ny Poaceae, ao amin' ny zana-pianakavian' ny Panicoideae. Mahatratra any amin' ny 370 any ho any ny karazany, izay maniry amin' ireo faritra manana toetany antonony na toetanin-jana-pehin-tany na ambanin-jana-pehin-tany. Maniry mandavan-taona na isan-taona izy ireo arakaraka ny karazany, ka mety mahatratra 20 hatramin' ny 400 sm ny haavony. Misy ireo karazana volena mba hohanim-boa na hohanin' ny biby fiompy. Ny karazana hafa dia ahi-dratsy ho an' ny fambolena, indrindra ny katsaka. Ny Panicum virgatum dia volena any Etazonia ka atao sakafom-biby ny raviny sy ny tahony, na volena hiarovana ny nofon-tany amin' ny fikaon-tany.
Ireo zavamaniry ireo (indrindra ny Panicum maximum) dia antsoina amin' ny teny malagasy hoe: famoa, fantaka, tsimparifary, tsiparefare, veromena, verotsanga.
Indreto ny sasany amin' ny karazany hita eto Madagasikara sy ny anarana iantsoana azy amin' ny teny malagasy:
- Panicum brevifolium : adalavatana, ahipody;
- Panicum cupressifolium : ahibarira;
- Panicum glanduliferum : kiafotsa, kiahipody;
- Panicum luridum : ahidahy;
- Panicum mahafalense : ahibelo, ahimanara, ahimianara;
- Panicum maximum : famoa, fantaka, tsimparefare, tsimparifary, tsiparefare, veromena, verotsanga;
- Panicum pseudowoeltzkowii : ahipody, ahipoly, ahitoto;
- Panicum semialata : ahitrakanga;
- Panicum subalbidum : ahipisaka, famoa, fataka;
- Panicum umbellatum : fandridahy, volonondry
Jereo koa
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
