Kanto

Ny kanto na hakanto dia toetran' ny zavatra iray izay mahatonga azy ireo ho mahafinaritra. Toetra mifandray amin' ny lafiny maro amin' ny fiainan' ny olombelona izany. Halalinina indrindra amin' ny taranja filôzôfikan' ny estetika io voan-kevitra io, nefa resahina amin' ny ampahany ihany koa ao amin' ny taranja hafa izany (tantara, sôsiôlôjia, psikôlôjia, zavakanto). Ny kanto dia faritana matetika ho toetran' ny zavatra iray izay manome fahafinaretana na fahafaham-po, amin' ny alalan' ny fahatsapana (fandrenesana) na traikefa ara-tsaina; noho izany dia avy amin' ny fisehoana toy ny endrika, ny seho hita maso, ny hetsika ary ny feo ny kanto.

Masoandro milentika tazanina eo amin' ny tora-pasika any amin' ny faritanin' i Phuket, Tailandy.

Miovaova arakaraka ny fotoana sy ny olona tsirairay ny fanavahana ny kanto sy ny tsy kanto. Miovaova arakaraka ny mpandinika aza ny tiana holazaina amin' ny hoe fahatsapana hakanto, ary kolontsaina maro no tsy manana teny mifanitsy amin' ny hoe "kanto".

Mbola ambangovangony ity lahatsoratra ity ary tokony hofenoina. Azonao atao ny mandray anjara eto amin'ny Wikipedia amin'ny alàlan'ny fanitarana azy. Jereo koa ny pejy Ahoana ny manao takelaka rehefa te-hijery hoe ahoana no fanaovana azy.