Famakiloha
From Wikipedia, the free encyclopedia
From Wikipedia, the free encyclopedia
Ny famakiloha na tsipeko dia bibikely isan-karazany mitovitovy habe amin' ny valala, izay lava vatana kokoa, mpihaza bibikely hafa, henjana ny elany ambony ary manify makarakara ny elatra ambany. Lava ny tendany. Mamorona filaharana atao hoe Mantodea, izay misy karazana 2 400 mahery mitsinjara amin' ny vondron-karazana 460 eo ho eo sy amin' ny fianakaviana 33. Ny fianakaviana lehibe indrindra dia ny Mantidae. Miparitaka eran-tany amin' ny toerana manana toetany antonony sy mafana ny famakiloha. Manana loha telozoro sy maso mivongana eo amin' ny vozona afaka milefitra. Mety manana elatra na tsia ny vatany lava, fa ny famakiloha rehetra kosa dia manana tanany eo alohany izay lehibe kokoa sady mety tsara amin' ny fisamborana sy famikirana remby; ny fijoroan' izy ireo mahitsy, raha mijanona amin' ny toerana iray sady miforitra ny sandriny, dia toa mivavaka.
Ny havan' ny famakiloha akaiky indrindra dia ny aboaly (Termitoidea) sy ny kalalao (Blattodea), izay ao anatin' ny renilaharana Dictyoptera avokoa. Ny famakiloha indraindray dia afangaro amin' ny fasma (Phasmatodea), bibikely lava lava toy ny valala (Orthoptera), na bibikely hafa havana lavitra kokoa manana rantsam-batana mpisavika toy ny Mantispidae. Mpihaza miotrika ny famakiloha amin' ny ankapobeny, saingy misy karazana monina an-tanety vitsivitsy izay mazoto manenjika ny rembiny. Mazàna izy ireo dia miaina mandritra ny herintaona eo ho eo. Amin' ny toetany mangatsiatsiaka kokoa dia manatody ny famakiloha vavy efa lehibe amin' ny fararano, ary maty avy eo. Voaaro amin' ny kitapo kely mafy ny atody ary foy amin' ny lohataona. Ny vavy indraindray dia mihinana ny lahiny aorian' ny fanaovana firaisana ara-nofo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
