From Wikipedia, the free encyclopedia
Ny Epistilin' i Jeremia na Epistolan' i Jeremia na Taratasin' i Jeremia dia boky misy ny taratasy lazaina fa nosoratan' ny mpaminany Jeremia sy nalefany tany amin' ireo Jiosy babo izay hataon' ny mpanjaka Nebokadnetsara sesitany any Babilôna, mba hanambara amin' izy ireo ny zavatra tian' Andriamanitra holazaina amin' izy ireo. Tsy hita ao amin' ny kanônan' ny Baiboly hebreo (na Tanakh) io boky io. Hita ao amin' ny dikan-tenin' ny Testamenta Taloha amin' ny teny grika atao hoe Septoaginta (na Septanta) sy ny Baiboly ôrtôdôksa izy nefa tsy mifangaro amin' ireo boky kanônika fa mitokana. Toko faha-6 ao amin' ny Bokin' i Baroka izy ao amin' ny dikan-tenin' ny Baiboly amin' ny teny latina atao hoe Volgata, izay isan' ireo boky deoterôkanônika ao amin' ny Baiboly katôlika.
Ity taratasy ity dia fikizahana ny sampy sy ny fanompoan-tsampy. Ny boky dia nosoratana mba hanoro lalana ny Jiosy tsy hivavaka amin' ny andriamanitry ny Babilôniana, fa hanompo an' Andriamanitra. Mampiomana ny Hebreo any an-tsesitany ny mpanoratra fa ho babo mandritra ny taranaka fito mifandimby izy ireo, ary mandritra izany fotoana izany dia hahita fanompoan-tsampy izy ireo. Tsy tokony hivavaka amin' ny sampy ny Hebreo fa zavatra nataon' olona izany ka tsy afaka miteny na mandre na miaro tena.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.