Dobo

Ny dobo dia rano mihandrona voajanahary na nataon' olombelona toy ny farihy nefa kely kokoa sy marivo kokoa. Atao hoe kamory ny dobo voajanahary.

Kamory

Teny malagasy

Famaritana

Ny dobo dia "lavaka ihandronan' ny rano, izay mazàna vitan-tanan' olombelona, fa tsy tahaka ny kamory na ny farihy, izay vita-Nanahary"^[1].

Ny kamory kosa dia "rano mihandrona ao amin' ny toerana iray, ka kelikely kokoa noho ny farihy fa lehibe kosa miolotra amin' ny dobo"^[2]. Azo faritana ho "velaran-drano mihandrona tsy dia lehibe loatra vita-nanahary na namboarina; antsoina koa hoe matsabory" koa ny kamory^[3].

Teny mitovitovy hevitra

• Heniheny: "Tany ihandronan' ny rano ka manjary honahona sy feno ahitra; tany lava volo tsy ialan-drano ka manjary fotaka mandrevo"^[4].
• Hetrina: "Farihy na dobo taloha fa efa saika ritra nefa tsy ialan-drano foana"^[5].

Jereo koa

Ranomasira

• Ranomasina
• Hoala
• Helodrano
• Andilan-dranomasina

Ranovory

• Farihy
• Dobo
• Heniheny
• Honahona
• Riakasia

Ranomandeha

• Renirano
• Ony
• Sakelidrano
• Loharano

• Voambolan' ny jeôgrafia

Loharano sy fanamarihana

1. Rajemisa-Raolison Régis, "Dobo" ao amin' ny Rakibolana malagasy, Ambozontany. Antananarivo, 1985.
2. Rajemisa-Raolison Régis, "Kamory" ao amin' ny Rakibolana malagasy, Ambozontany. Antananarivo, 1985.
3. Service de la Logistique Pédagogique, "Kamory" ao amin' ny Voambolana malagasy-malagasy (frantsay), Ministère de l'Enseignement Secondaire et de l'éducation de Base, Antananarivo.1986.
4. Rajemisa-Raolison Régis, "Heniheny" ao amin' ny Rakibolana malagasy, Ambozontany. Antananarivo, 1985.
5. Rajemisa-Raolison Régis, "Hetrina" ao amin' ny Rakibolana malagasy, Ambozontany. Antananarivo, 1985.