![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6e/Tissot_The_Brazen_Serpent.jpg/640px-Tissot_The_Brazen_Serpent.jpg&w=640&q=50)
Menarana varahina
From Wikipedia, the free encyclopedia
Ny menarana varahina dia sari-menarana vita amin'ny metaly voasokitra izay nataon'i Mosesy na Moizy araka ny nandidian'Andriamanitra, mba hahasitrana ny ferin'ireo nokaikerin'ny menarana tany an-tany efitra. Itoeran'ny fahasoavan'Andriamanitra sy ny fahefany izany menarana varahina izany ka nahasitrana izay mijery azy. Amin'ny teny hebreo dia atao hoe נחשתן / neḥushtān izany, izay midika hoe "varahina".
![Thumb image](http://upload.wikimedia.org/wikipedia/commons/thumb/6/6e/Tissot_The_Brazen_Serpent.jpg/320px-Tissot_The_Brazen_Serpent.jpg)
Hita ao amin'ny Bokin'ny Nomery (Nom. 21.4-9) sy ny Boky faharoan'ny Mpanjaka (2Mpanj. 18.4) izany tantara izany ary ampahatsiahivina ao amin'ny Evanjelin'i Joany (Joa. 3.14-16) amin'ny fampitahana azy amin'i Jesosy nihantona teo amin'ny hazofijaliana.