From Wikipedia, the free encyclopedia
Ny Kirgizy dia vahoaka torkika monina any Azia Afovoany, ao Kirgizistàna sy ny faritra amin' ny sisin-tanin' i Tajikistàna sy andrefana amin' i Sina (faritra mizaka tenan' i Xinjiang). Ahitana azy ireo koa ny ao Ozbekistana, ao Pakistàna ary ao Afganistàna. Ahitana zanaka am-pielezana kirgizy ny any Rosia sy ny any Tajikistàna ary ny any Kazakstàna. Anisan' ny vahoaka vitsy anisa eken' ny ao Sina ny Kirgizy. Ny fiteny kirgizy no fitenin’ izy ireo, izay fiteny ôfisialin' i Kirgizistàna. Eo anelanelan' ny 5 sy 6 tapitrisa ny isan' izy ireo maneran-tany.
Taranaky ny fokom-pianakaviana maromaro ao Azia Afovoany ny Kikrgizy voalohany indrindra, nipoitra voalohany tany amin' ny tapany andrefan' i Môngôlia tamin' ny taona 201 tal. J.K. Avy amin' ny Ienisey kirgizy izay nonina tao amin' ny lohasahan’ ny ony Yenisey any Siberia ny Kirgizy ankehitriny.
Eo amin' ny sehatra ara-pivavahana, ny ankamaroan' ny Kirgizy dia mozilmana sonita ao amin' ny sekoly hanafy. Ny fivavahana silamo dia nampidirin' ny Arabo mpivarotra izay nanaraka ny Lalan' ny Landy tamin' ny taonjato faha-7 sy faha-8. Tamin' ny taonjato faha-8 dia tonga tany amin' ny lohasahan' i Fergana niaraka tamin' ny Ozbeka ny finoana silamo ôrtôdôksa. Na izany aza, ao amin' ny lahatsoratra persiana Hudud al-'Alam tamin' ny taonjato faha-10, ny Kirgizy dia mbola nofaritana ho vahoaka "mankamasina ny afo sy mandoro ny maty". Toa tena mahatoky amin' ny finoana torkika fahiny. Saingy nisy koa fotoana nahafantaran' izy ireo ny manikeisman' ny Oigoro sy ny fivavahana bodista. Ny fombafomba amin' ny fahafatesana dia niavaka noho ny fandoroana faty. Ny zaza madinika, ny maty avy amin' ny foko hafa, ny mpanompo, ny vaditsindrano, sns, no nalevina.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.