Jerôma avy any Stridôna

I Jerôma avy any Stridôna na Hierônimo avy any Stridôna na Masindahy Jerôma dia mpanoratra tao Rôma, teraka tamin' ny taona 342 ary maty tamin' ny 30 Septambra 420. Isan' ireo Rain' ny Fiangonana na Aban' ny Eglizy manampahaizana momba ny Baiboly izy. Izy no nandika ny Baiboly amin' ny teny latina atao hoe Volgata (latina: Vulgata). Amin' ny teny latina dia atao hoe Eusebius Hieronymus izy.

Jerôma avy any Stridôna
Ankapobeny
Anarana	Jerôma avy any Stridôna
Teraka	Tokony 342
Maty	30 Septambra 420
Fiaviana sy ny andraikitra
Firenena	Roma Taloha
Asa :	mpanao asa soratra mpanoratra
Fiainana manokana

Taorian' ny fianarana nataony tao Rôma dia nitoka-monina tany an-tany efitra izy ka nanao fiainana mikatsaka ny fahafahan' ny fanahy amin' ny alalan' ny fampijalian-tena, sady tany izy no nanohy ny fandalinana ny Soratra Masina. Tamin' ny taona 379 izy dia nohamasinina ho pretra. Nandany telo taona tao Kônstantinôpôlisy niaraka tamin' i Gregôriôsy avy any Nazianzo, izay isan' ny "Rain' ny Fiangonana" taty aoriana, izy avy eo.

Tamin' ny taona 382 izy dia nody any Rôma ka nisahana ny asa fitanana an-tsoratry ny papa Damaso I. Nandeha tany amin' ny Tany Masina izy tamin' ny taona 385. Niorim-ponenana tao Betlehema izy tamin' ny taona 386. Nanohy ny asa fanoratany tao i Hierônimo sady nanomboka niady hevitra tamin' ny mpanohana ny pelagianisma^[1] ary tamin' ny moanina teôlôjiana Tiranio Rofino (na Rofino avy any Akoilea) sy tamin' i Aogostino avy any Hipo, ilay isan' ny "mpampianatry ny Fiangonana" taty aoriana (Md Aogostino). Ny tsy fifanarahan-kevitra nifanoheran' ny mpanohana ny pelagianisma dia nahatonga an' i Hierônimo hiafina nandritra ny roa taona teo ho eo. Maty izy fotoana vitsy taorian' ny fiverenany tao Betlehema tamin' ny taona 419 na 420.

Jereo koa

• Biôgrafia

Rohy ivelany

• Ao amin'i Freebase: Archived Aogositra 11, 2014 at the Wayback Machine

Mbola ambangovangony ity lahatsoratra ity ary tokony hofenoina. Azonao atao ny mandray anjara eto amin'ny Wikipedia amin'ny alàlan'ny fanitarana azy. Jereo koa ny pejy Ahoana ny manao takelaka rehefa te-hijery hoe ahoana no fanaovana azy.

Loharano sy fanamarihana

1. Ny pelagianisma dia mampianatra ny fananan’ny olombelona safidy malalaka sy ny tsy filàna ny fahasoavana sy ny fanavotana avy amin'Andriamanita.