![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/69/Aristobulus-I.jpg/640px-Aristobulus-I.jpg&w=640&q=50)
Aristôbolo I
From Wikipedia, the free encyclopedia
I Aristobolo I dia zanaka lahin' i Joany Hirkano I tao amin' ny fianakaviana mpanjaka mpisorona hasmôneana, izay nanankinan-drainy ny fahirano natao an' i Samaria ka nandreseny an' i Antiôkôsy VIII Gripôsy, zanak' i Demetriôsy II Nikatôra.
![Thumb image](http://upload.wikimedia.org/wikipedia/commons/thumb/6/69/Aristobulus-I.jpg/320px-Aristobulus-I.jpg)
I Aristôbolo I no nandimby an' i Joany Hirkano I amin' ny asan' ny mpisoronabe sady niantso ny tenany ho mpanjaka. Resiny ka nofeheziny ny ampahany amin' ny faritr' i Itorea (na Itoria). Novonoiny noho ny fiahiahian-tsy marina azy ny rahalahiny atao hoe Antigôno I, izay nanampy azy tamin'ny fazoany an' izany fandresena izany. Nogadrany koa ny reniny izay niady fahefana taminy sady nomen' i Joany Hirkano I ny fandovana ny fitondrana araka ny didy fahavelony. Noho ny haratsiam-panahiny dia navelany ho maty noana tao am-ponja ny reniny. Iray taona monja no naharetan' ny fanapahan' i Aristôbolo I, teo anelanelan' ny taona 104 sy 103 tal. J.K.
Rehefa maty i Aristôbolo I taorian' ny namonjany an-dreniny sy ny rahalahiny, dia i Salôme Aleksandra vady navelany no nanafaka ireo rahalahiny ireo avy tao am-ponja sady nanambady an' i Aleksandro Janeo.