![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/GodfreyKneller-IsaacNewton-1689.jpg/640px-GodfreyKneller-IsaacNewton-1689.jpg&w=640&q=50)
Isaac Newton
From Wikipedia, the free encyclopedia
Sir Isaac Newton FRS (lair nang Woolsthorpe-by-Colsterworth, Lincolnshire, 4 Januari 1643 – seda 31 Maret 1727 dong umure 84 taun; KJ: 25 Desember 1642 – 20 Maret 1727) kuwe salah siji fisikawan, matematikawan, ahli astronomi, filsuf alam, alkimiawan, lan teolog sing asale sekang Inggris. Newton kuwe pengikut aliran heliosentris lan ilmuwan sing berpengaruh banget sepanjang sejarah, malah nganti diomong dadi bapak ilmu fisika klasik.[7]
Sir Isaac Newton | |
---|---|
![]() Potrèt Isaac Newton karya Godfrey Kneller taun 1689 (umur 46) | |
Miyos |
4 Januari 1643 [OS: 25 Desember 1642][1] Woolsthorpe-by-Colsterworth Lincolnshire, Inggris |
Tilar donya |
31 Maret 1727 (umur 84) [OS: 20 Maret 1726][1] Kensington, Middlesex, Inggris |
Dalem | Inggris |
Kabangsan | Inggris |
Suku bangsa | Kaukasia |
Bidhang | fisika, matematika, astronomi, filsafat alam, alkemi, Teologi Kristen |
Lembaga |
Universitas Cambridge Royal Society Royal Mint |
Lulusan saking | Trinity College, Cambridge |
Academic advisors |
Isaac Barrow[2] Benjamin Pulleyn[3][4] |
Notable students |
Roger Cotes William Whiston |
Kaahlian |
Newtonian mechanics Universal gravitation Infinitesimal calculus Optics Binomial series Newton's method Philosophiæ Naturalis Principia Mathematica |
Mangaruhi |
Henry More[5] Polish Brethren[6] |
Dipunpangaruhi |
Nicolas Fatio de Duillier John Keill |
Agama | Arianisme; kanggo katrangan luwih rinci delengen artikel iki |
Tapak asma![]() | |
Cathetan Hannah Ayscough iku ibuné. Catherine Barton iku ponakané. |
Karya bukune Philosophiæ Naturalis Principia Mathematica sing diterbitna taun 1687 dianggep dadi buku paling berpengaruh sepanjang sejarah sains. Buku kiye isine dadi dasar-dasar mekanika klasik. Nang buku kiye, Newton njabarna hukum gravitasi lan telu hukum gerak sing ndominasi pendelengane sains maring alam semesta nganti telung abad. Newton berhasil nidhokna nek gerak benda nang Bumi lan benda-benda luar angkasa liyane diatur nang sekumpulan hukum-hukum alam sing padha. Dheweke mbuktikna karo nidhokna konsistensi antarane hukum gerak planet Kepler karo teori gravitasine. Karyanekiye sidane mbuyarna keraguane para ilmuwan maring heliosentrisme lan majukna revolusi ilmiah.
![Thumb image](http://upload.wikimedia.org/wikipedia/commons/thumb/c/cc/NewtonsTelescopeReplica.jpg/640px-NewtonsTelescopeReplica.jpg)
Nang bidang mekanika, Newton ngumumna anane prinsip kekekalan momentum lan momentum sudut. Nang bidang optika, dheweke berhasil mbangun teleskop refleksi sing pertama[9] lan ngembangna teori warna sing dhasare sekang pengamatan nek kaca prisma kuwe bakal mbagi cahaya putih dadi warna-warna liyane. Newton uga ngrumusna hukum pendinginan lan nyinauni kecepatan suara.
Nang bidang matematika, bareng karo karyane Gottfried Leibniz sing dilakukan secara terpisah, Newton ngembangna kalkulus diferensial lan kalkulus integral. Dheweke uga berhasil njabarna teori binomial, ngembangna "metode Newton" kanggo nggawe pendekatan maring nilai nol suatu fungsi, lan berkontribusi terhadap kajian deret pangkat.
Nganti sekiye Newton esih gedhe banget pengarueh nang kalangan ilmuwan. Survei taun 2005 sing nakoni para ilmuwan lan masyarakat umum nang Royal Society perkara sapa sing ngaweh kontribusi lewih gedhe nang sains, Newton apa Albert Einstein, nidhokna nek Newton kuwe sing dianggep ngaweh kontribusi sing weih gedhe.[10]