From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Soest is e dörp en 'n gemeinte in de Nederlandse provincie Utrei, op d'n Utreisen Heuvelrögk, bij Amersfoort, mèt 'n oppervlak vaan 46,47 km2 en 'n inwoeneraontal vaan 45.233 per 1 januari 2006. Ander kerne, feitelek 'n soort satellietdörper vaan Soest, zien Soestdijk, Soestduinen en Soesterberg. Soest ligk in 'n bósrieke umgeving; tot veur kort waor de plaots hendeg in trèk in bij 't binnelands toerisme.
Soest, 'ne naom dee wies op de aonwezegheid vaan 'n broon, ligk op 'n flaw helling vaan d'n Utreisen Heuvelrögk en weurt veur 't iers geneump in 1029. Daomèt is 't ein vaan de weinege Middeliewse plaotse op de Heuvelrögk. Allewel tot de groond hei minder gesjik waor veur landbouw leep 'r neet oonder bij euverstruiminge. In 1278 voont hei 'ne veldslaog plaots tösse Holland en Utrei. In 1470 woort in Soest e Mariakloester gestiech en twie jaor later kreeg de plaots sjeperech. In de zestiende iew woort 't kloester verweus door de trope vaan Maarten van Rossum. Vaanaof de zeventiende iew oontwikkelde veural Soestdijk ziech es plaots woe ziech väöl rieke lui in boetehoezer vestegde. In 1898 woort 't dörp op 't spoorweegnèt aongeslote, woenao 't snel greujde. Vaanaof de jaore zeveteg woorte väöl boetehoezer gesloop.
![]() | |
---|---|
Amersfoort · Baarn · Bunnik · Bunschoten · De Bilt · De Ronde Venen · Eemnes · Houten · IJsselstein · Leusden · Lopik · Montfoort · Nieuwegein · Oudewater · Renswoude · Rhenen · Soest · Stichtse Vecht · Utrech · Utrechtse Heuvelrug · Veenendaal · Vijfheerenlanden · Wijk bij Duurstede · Woerden · Woudenberg · Zeist | |