Sjilves
From Wikipedia, the free encyclopedia
't Sjilves is 'n Limburgs dialek det gekald weurt in Sjilvend.
- Dit artikel is gesjreve in 't AGL. Ómdat 't plaatsgebónge is, maogs doe 't ómzètte nao 't Sjilves, es te dit dialek sjpriks.
ich - make - doe - boom - hóndj - sjlang - sjaop - rech< >
Mouillering
Bie zelfstendige naamwäörd mit 'n d op 't ènj kump in 't Sjilves mouillering veur, bv: hóndj, gezóndj. Sjilvend is ein van de zujelikste plaatse woe dit gehuurd weurt. Wie me mie nao 't zuje geit huurt me gein mouillering mie, meh gutturalisering, bv: hónk, gezónk (o.a. in Haelder).
E-naosjlaag
'n Opvallend kinmerk aan 't dialek van Sjilvend en de dialekte ten zuje van Sjilvend is det bie de klinkers ao, ie, oe en uu sóms 'ne dóffe e-naosjlaag te hure is. Beveurbild in plaats van groet (groot) zaet me hie: groeët en in plaats van vugel (vogels): vuëgel. Zujeliker van Sjilvend weurt dit ouch gehuurd bie ae.
Opmirkinge:
- Sjrievers van 't Sjilves sjrieve dèk de wäörd mit lang klinkers mit 'n extra e, dus griees in plaats van gries. Dit moot neet verward waere mit de naosjlaeg, die mit 'n trema op die e waere gesjreve, es bie fieës. In de Veldekesjpelling waere lang klinkers gesjreve mit 'n daekske, wie griês.
- E-naosjlaeg op ao weurt in Sjilvend es oa gesjreve (broamel). In de Veldekesjpelling waert dat es aoë gesjreve, ómdat de lèttercombinatie oa eigelik 'ne twieklank aangif, wie in 't Valkebergse doas.
De Limburgse Wikipedia haet ouch artikele in 't Sjilves.
