Portugeze

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

De Portugeze zeen det etnische groep die oet 't landj Portugal kómme en 't Portugees kalle.

De oorsjprónk van de Portugeze besjteit oet meerder völker. Ze zeen 'n combinatie van de Keltische Iberiërs (Lusitane) en de Romeine. Wiejer höbbe väöl Portugeze genetisch matterjaal van de Naord-Afrikane en geuf 't sjpäör van de Feniciërs, de Grieke, de Puniërs, de Wèsgote en de Suebe.

Dao zeen zoget 10,4 miljoen Portugeze in Portugal. Boetedet geuf 't 'n grote bevolking Portugeze in Breziel, Angola, Mozambique, Kaapverdië, Macau en anger veurmalige Portugese kolonië. Ouch besjtaon grote immigrantegemeinsjappe in Frankriek, Luxembörg, Duitslandj, Zwitserlandj, de Vereinigde Sjtaote en Venezuela.

Bekinde Portugeze

• Uriel Acosta - filosoof
• Pedro Alvares Cabral - óntdèkkingsreiziger
• Antonius van Padua - hèlge
• Diogo Cao - óntdèkkingsreiziger
• Gaspar Corte-Real - óntdèkkingsreiziger
• Alfonso d'Albuquerque - óngerkeuning
• Vasco da Gama - óntdèkkingsreiziger
• Luis de Camões - dichter
• Eça de Queirós - sjriever
• Florbela Espanca - dichterin
• Eusébio - foebbeler
• Luis Figo - foebbeler
• Paulo Futre - foebbeler
• Almeida Garrett - sjriever
• Fernão de Magalhães óntdèkkingsreiziger
• Egas Moniz - neuroloog
• Fernando Pessoa - dichter
• Fernao Pires de Andrade - koulman
• Dulce Pontes - zenger
• Amália Rodrigues - zengerin
• José Saramago - sjriever
• Paulo Sousa - foebbeler
• Gil Vicente - toneelsjriever