Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'n Octaaf (Latiens veur achste) ies 'n periode van 8 daag woamèt de viering van 'ne Christelike fièsdaag of 'ne heiligedaag verlengk kènt were. De achste daag ies dan de octaafdaag.
In de Mieddelièwe naom 't viere van 'n octaaf, veural in 't Weste, toe. Bie sómmige fièste van heilige weurt allein nog de achste daag gevierd. Nao de vernujing van de Romeinse liturgie in 1970 höbbe allein de hoagfièste Paosje en Kaersjmes hun octaaf in ière gehouwe. Op de octaafdaag van Paosje, dat ies de ièrsjte zóndig nao Paosje, weurt ouch de Paosjtied aafgesjlote. De naam beloke Paosje veur deze octaafdaag kump van 't werkwoord luiken-geloken wat aafsjlete beteikent.
Op de octaafdaag van Kaersjmes, 1 januari, weurt saer de 7e ièw, in de Romeinse liturgie veural de aandach op Maria gevestig. Dit ónder invloed van 't Oaste. Vanoet Gallië kaom 't gebruuk um op deze daag de besjniejenis van Jezus te gedinke. (Lucas 2:21). In 't Missaal van 1970 weurt dezen daag de octaafdaag van Kaersjmes-Maria, moder van God geneump.
Bekènde octave van heilige zint die van Sint Gerlach (5 januari) in Houtem, van Marcoen (1 mei) in Welte, Gerardus (16 oktober) in Wittem en 't Sacramentsoctaaf (25 mei) in Meersje.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.