Dit artikel is gesjreve (of begós) in 't Houblieriks. Laes hie wie v'r mit de versjillende saorte Limburgs ómgaon.
Meuleveld is 'n villawiek det behuurt tót 't dörp Houblierik in de Naord-Limburgse gemeinte Venlo. De wiek haet 740 inwoeëners en 'n oppervlekde va 47ha, waovan 43ha lank. 42% van de inwoeëners is alder es 65 jäöre. De wiek wuurt in wiezerszin begrens door de Baarlosestraot in 't naordwèste, d'n A73 in 't naordoëste, de baemde van de Maas in 't zuudoëste en de Meulekampwaeg in 't zuudwèste.
Geschiedenis
De naam geit truuk nao 'n meule, dae in 'n veld stóng beej de Springbaek, kórt beej wao zie oetkam in de Maas. Lang waar Meuleveld ouk 'n agrarisch gebeed, mit vuuel landboewgrónk en glastuinboew. Me kint 't agrarische verlede ouk zeen aan de alder hoezer (dök kleine häöf) die me tösse de nuuj in zeet. Die hoezer kint me veural vinge aan de Caeserlaan, de Meuleveldlaan en ein deil van de Zalzerskampwaeg. In 1975 begós de aanboew van de villawiek. 't Ierste deil woort opgelaeverd in detzèlfde jaor, en 't twieëde deil waar tösse 1978 en 1980 vaerdig. Rónk 2005 woorte op 'n veurmalig terrein van 't transportbedrief Beeren nog 22 hoezer debeej geboewd. De straote in Meuleveld zeen dök verneump Romeinse schrievers en dichters. Óngevaer op de plek wao Houblierik laog, laog ouk de Romeinse nederzetting Blariacum, wao zoeëwèl Blierik es Houblierik nao zeen verneump.
Ruumtelike inrichting
De wiek is ruum opgezet, mit rume hoezer, veural van twië-ónger-ein-kap type. De hoezer aan de Maas zeen get groeëter es in de res van de wiek. Wiejer zeen dao dreej saorte straote. De brei straote mit aan bei ziej eike of lindebuim, de ziejstraote mit klinkers mit aan ein ziej buim en de woeënerve. Centraal in de wiek leejt ein park. Wiejer zeen d'r gein veurzieninge.
Externe link
 | |
|---|---|
| Stad: Venlo | |
| Dörper: Árse · Blierik · Houblierik · Belvend · D'n Bokent · Lóm · Sjteil · Tegele · Velde · 't Ven | |
| Buurtschappe, gehuchte en wieke:
Annakamp · Boleberg · Bong · Brandemeule · Geloë · Geloërveld · Genuuë · Greunveld · Groeët Boller · Hagerbroek · Hagerhaof · Hanik · Hasselt · De Hasselderhei · Hazekamp (Tuindörp (Blierik)) · Hoeëgekamp · Klingerberg · De Krosselt · Leemhors · Lingsfort · De Maagdenberg · Maasveld · Maaswaerd · Meulebös · Meuleveld · Op de Hei · Schandele · Sinselveld · Sint-Josephparochie · Stalberg · De Ticheleri · Underste en Bäöveste Meule · Vaegtes · Vastenaovendkamp · De Veerpaerdjes · Veld · Venlo-Centrum · Vilgert · Vogelhut · De Voort · 't Vorst · De Vossener · Wielderhaof | |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
