Kardinaol

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Wim Eijk, Kardinaol en Bisjop vaan Utrech

Jozef De Kesel, Kardinaol en Bisjop vaan Mechele-Breusel

Kardinaol is 'ne geisteleken titel binne de Roems-Kathelieke kèrk en is binne 't systeem vaan die kèrk de hoegsgepositioneerde weerde op de Paus nao. De veur leveslang verliende kardinaolstitel bereup d'n drager tot bezoondere mètverantweurdelekhede aon de gezaomeleke gestèldheid vaan de Kèrk binne 't Kolleesj vaan Kardinaole (bis 1983 't Heileg Kardinaolskolleesj, ouch dèks 't Konklave geneump). 't Gief daobinne diocesaon bisjoppe mèt de kardinaoltitel die take binne dit Kolleesj oetveure neve 't behier vaan hun bisdom (zoewie 't Bisdom Remunj en 't Bisdom Hesselt, die de Limbörge besloon). Daoneve gief 't ouch kardinaole vaan de curie die neet verantweurdelek zien veur e bisdom mer in plaots daovaan leiende posities bekleie in 't Vatikaon (einegszins vergeliekbaar mèt ministers).

De kardinaol weerdegheid die aon preesters is veurbehawwe weurt normaliter door de Paus nao eige goodkäöring gesjonke aon geslecteerde bisjoppe of lede vaan de Roemeinse Curie ('t bestuursorgaon vaan de Paus). In prinsiep kinne alle preesters die dat wönse beneump weure. Op force vaan 't Canoniek rech ('t Vatikaons rech) motte neet-bisjoppe weure ingewied wie bisjoppe, boevaan de Paus kin aofzien. 't Kolleesj vaan Kardinaole is oonderverdeild in drei kardinaol klasse in 'n iere-orde, de veurzitter is d'n Deke (of Kardinaolsdekaon). Vaan de allewiel 228 kardinaol gief 't anno 7 jannewarie 2021 128 kardinaole die in aonmerking komme um te mage stömme in 't Kolleesj.

• Brón: Duitstaolege Wikipedia