From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Jette ies 'n gemeinte in 't Brussels Hoofsjtaejelik Gewes, ten noordweste van 't sjtadscentrum van Brussel. De gemeinte haet 'n oppervlak van 5,04 km² en dao wone 42.774 luuj (1 januari 2006).
Jette ies veural 'n woongemeinte. De beperkde werkgelegeheid ies veural in de deenstesector. In Jette liek 't hospitaal en de medische faculteit van de Vrije Universiteit Brussel. Jette haet saer 1861 'n sjtasie aan de liene Brussel-Gent en Brussel-Dendermonde en ies ouch te bereike mèt de Brusselse metro en trem.
In Jette liegke, hoewaal de gemeinte versjtaejelik ies en deil oetmaak van de agglomeratie Brussel, 'n aantal parke en bösje, woa-ónder 't natuurreservaat Poelbos en 't Keuning-Boudewijnpark. Dees greun zones besjloon miè es ein viefde van 't oppervlak van de gemeinte.
De parochiekèrk, gewiejd aan Sint-Pièter, ies geboewd in neogotische sjtiel. In 't gehöch Dieleghem ies es enig euverbliefsel van 'n norbertienerabdij de 18e-ièwse absweuning bewaard gebleve. Aan 't Boudewijnpark liek 't groat Heilig-Hartkloaster.
Jette weurt in 1095 veur 't ièrsj sjrieftelik vermeld es Jetta. In de mieddelièwe waor 't de residentie van 'ne sjepe, mèt 'n bevoogheid euver tièn dörper. Jette waor bies 1644 'n hièrlikheid en woort in 1659 e graafsjap.
In 1841 woort de gemeinte Jette-Ganshoren gesjpliets in Jette en Ganshoren.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
