From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'nen Ingel is e boetenetuurlik waeze det veurkump in 'n versjeienheid aan religies. 't Waord ingel kump aaf van 't Letien angelus, waat van 't Grieks ἄγγελος ággelos "boeaj" aafkump; 't Hebreeuws synoniem is מלאך mal'ach.
Me vindj d'n ingel es boeaj veural trögk inne Biebel en inne Koran. Ingele traejen hie döks op in 't doon van 'ne miens, meh zie zeen van netuur geiselike waezes sónger fysiek lief die in deens staon van God, mer ouch eder willekäörig zichbaar uterlik kónnen aannumme. Inne orthodoxe theologie zeen de ingele gesjape ieër 't hieëlal waas gemaak. Häör aantaal is óntèlbaar en 't guuef 'n bestumdje rang worin de aartsingele de wichtigste en mechtigste ingele zeen; zie traejen op es boeajen aan luuj en oetveurders vanne besloeten en gerichte van God. Häör versjiening wuuert door luuj besjreven es óntzagwèkkendj en euverweldigendj.
Ingele höbbe juus wie de luuj 'ne vrieje wil en kónne keze veur of taenge God. 'nen Ingel dae koos taenge God is d'n aartsingel Lucifer dae e derdje vanne ingelen aan zien ziej mitkreeg. Hae woort bekandj es d'n duvel of Satan; de ingele die veur dem koze woorte de demone: kwaoj en ónrein geiste. 't Waas ouch d'n Duvel dae inne vorm van 'n slang Adam en Eva dieëj verleie toette irfzunj.
Bie 't traditioneel katholicisme haet edere geluivigen onne besjirmingel. Hiebie wuuert veróngerstaldj det d'n Ingel vannen Hieër in 't Aad Testamènt 'n veurversjiening van Jezus is.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
