Ger Lataster (Sjaasberg, 16 februari 1920 - Amsterdam, 19 miert 2012) waor 'ne Nederlandse kunstenaer. Zien werke weure gerekend tot 't abstrak expressionisme. Hae exposeerde in versjillende musea en galeries (ónder andere in 't Stedelijk Museum in Amsterdam en 't Van Abbemuseum in Eindhove) en zien werk ies vertegewoordig in collecties in Nederland en daoboete.
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Sjeters, es te dit dialek sjpriks.
Lataster waor 'ne zoon van 'ne mienwèrker. Hae volgde de Kunsnijverheidssjoal in Mestreech en van 1941-1942 en 1946-1948 sjtudeerde hae in Amsterdam aan de Rijksakademie voor Beeldende Kunsten. Hae behuèrde tot de zoagenaamde Amsterdamse Limburgersj, same mèt o.a. Pieter Defesche, Jef Diederen en Lei Molin.
In 1963 riechde Lataster same mèt Mari Andriessen, Nic Jonk, Theo Mulder en Wessel Couzijn de alternatief kunsacademie Academie '63 (later Atelier '63) in Haarlem op. Allewiel ies dit De Ateliers in Amsterdam. Dit initiatief kaom d'r vanwege de behoofde van jóng kunstenaersj um 'ne tied ónder de leijing van ervare kunsternaersj te wèrke.
Ger Lataster combineerde in zien werk versjillende elemente, technieke en materiale. 'n Bekènd werk van Lataster ies zien plafónsjildering Icarus Atlanticus in 't Mauritshoes in Den Haag (1987).
Externe link
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
