Doonder

Doonder (Nederlands: Doenrade) is 'n dörp in de gemeente Baekdale in Nederlands Limburg.

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Doondesj, es te dit dialek sjpriks.

---

Kesjtièl Doonder

'ne Angere naam (veural vreuger gebroek) veur 't dörp is Groeët Doonder ter óndersjeiing van Kleen Doonder, dat 'n buurtsjap is van Oeësjbik (Oirsbeek). Ouwer sjriefwies zint o.m. Dudenrode in de 12e ièw, Duedenroede in de 14e ièw en Doidenrode in de 15e ièw. In 2021 wone d'r 1.100 luuj. Doonder is óntsjtange vanoet 'ne handelswaeg dae van Mestreech richting Duutsjland leep. Doonder is 'n agrarisch dörp en ouch bekènd om hèr sjniedersj (kleiermekersj).

Bezeenswaerdig

• De baksjteene kèrk van sint Joep (Jozef) in neogotische sjtiel oet 1900. Ooch de pastorie en 't zoageneumde Warblinghoes zint in dees sjtiel opgetrokke.
• Aan de Kèrksjtraot lik in lintbeboewing 'n aantal ouw (veurmalige) boerderieje, woavan róndbaogpoorte nog getuge. Väöl gevele zint bedèk met typisch plaoster- en sjtuucwerk oet 't begin van de 20e ièw.
• Kesjtièl Doonder, ouch waal 't Doonderhuuske geneump, oet de 12 ièw, op 'n plaats woa in vreuger tieje 'ne groate hièrehaof laog. Allewiel is d'r 'n restaurant in gevestig.
• De helling Doonder vanoet Bèngelder en Kwabik is bekènd ónder fietsrennersj.

Gemeinte Baekdale
Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese
Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier