De Hièk

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

'n Rieke mergele hoezer in De Hièk

De Hièk (Nederlands: Heek), ies 'n gehuch in de gemeinte Valkeberg aan de Geul, gelege in versjpreide en lintbeboewing langs de groate weeg nao Klumme. Meugelik waor dizze weeg 'n onderdeil van de Via Belgica (Romeinse weeg van Kölle nao Boulogne-sur-Mer). Tot 1982 huèrden 't bie de gemeinte Hulsberg. 'n Klein gedeilte vèlt noe ónder Klumme in de gemeinte Voelender. De gemeintegrens löp parallel aan de Hellebeukerweg. Get hoager op 't plateau liek 't vakantiepark de Hellebeuk en 't gehuch De Euverhièk.

Hièkerbeek

Door De Hièk sjtruimp de Hièkerbeek, die hie in de buurt zien brón haet. Ze löp wiejer via 't gelieknamig buurtsjap De Hièkerbeek, door Sint-Pièter riechting de Geul.'t Lètste sjtökske van de beek heisj Sillebeek.

Bezeenswaerdig

'ne Vreugere naam van De Hièk ies g'n Hièk. De naam kump waarsjienlik van 'ne kesjtièlhaof Hièk, dae umsjlote zou zin gewaes mèt 'n hièk (hèk, hègk of bösj).
In 't buurtsjap liek 'n rieke mergele hoezer, 'n deil mergele häöf (o.a.t Boerehöfke), 'ne vakwerkhaof (Hièkerhöfke) en de baksjteine carrévörmige Hièkerhaof. Op 'n krusing mèt 'ne sjtiele holle waeg nao D'n Emmaberg sjteit 'n sjmeediezere waegkruus.

Gemeinte Valkeberg aan de Geul
Dörper: Berg · Brokem · Houtem · Oud-Valkeberg · Sjin op Geul · Sub · Valkeberg · Vild
Buurtsjappe en gehuchte: Boete de Paort · D'n Emmaberg · Geulem · De Hièk · De Hièkerbeek · Haersjtraot · Iezere · Ingwege · Keuteberg · De Nerem · Oas · De Plenkert · Sint Gerlach · Sint-Pièter · Sjuèmer · De Sjtoepert · Sjtraobaek · Sjtröch · Terbliet · Vroenhof · Walem