Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
DENK is 'n linkse Nederlandse politieke partie die óntsjtóng oet de va de PvdA aafgesjplitsde Gróp Kuzu/Öztürk. De politici Tunahan Kuzu en Selçuk Öztürk sjplitsde zich i november 2014 aaf oet unvreë mit 't sjtankpunt va de PvdA inzake 't integratiebeleid.[1] Óp 9 fibberwaar 2015 woeëd de nui partie mit d'r naam "DENK" ópgerich. I jannewaar 2016 kreeg DENK 't minimum aatal lede um vuur subsidie in aamerking te kómme. I d'r loop van 't joar sjlote bekangde allochtone Nederlangesj zich bei DENK aa, ónger anger Sylvana Simons en d'r Farid Azarkan, vuurzitter van 't samewirkingsverbank vuur Marokkaanse Nederlangesj. 't Óptreëne va Simons i de landelige media hat vöal behei veroerzaak. In december 2016 verleet zie noa sjtried de partie, oeë noa zie 'n eige óprichte: Artikel 1.[2] Óp 30 december 2016 presenteerde de partie höar kandidatelies vuur de Twieëde Kamerverkezinge van 2017.
Sjtankpunte
In 't politiek manifes va de partie, dat i november 2016 is ópgesjteld, pleit DENK vuur de aafsjaffing van 't begrip allochtoon en integratie. 't Woad "integratie" mót vólges de partie vervange weëde durch "acceptatie". Óch pleit ze vuur e racismeregister, weil racisme institutioneel en sjtroektoereel van eëd zouw zing. In 't óngerrich sjtreef DENK mieë diversiteet noa. Doaneëve wilt ze óch de vakke Arabisch, Törks en Chinees iveure es keuzevak. Óch wilt zie migratiegesjichde introducere in 't óngerrich. Ópleidinge tot imam mótte durch de uëverheed weëde gesjtimuleerd.
Doaneëve wilt DENK dat Nederlank Palestina erkent.
Controverses
I fibberwaar 2017 berichde 't NRC Handelsblad dat DENK gebroek maak va nepprofiele op Facebook um de publieke opinie te beïnvleuje. Dat leide tot e conflik tussje de partie en de tsiedóng en vöal behei.[3] De partie holde vervolges sjerp oet noa diezelfde ziedóng.[4] E paar daag sjpieëder erkende DENK dat internettrolle actief woare vuur de partie. 't Betrof waarsjienlig lüj oet de jeugaafdeling en DENK zouw de lüj han aagesjproake óp hun gedrag.[5]
DENK weigert óch de Armeense Genocide te erkenne.
Extern linke
Brónne
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
