From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
D'n Emmaberg ies 'n buurtsjap van Valkeberg in Zuud-Limburg. Tot 1940 behuèrde-n 't gedeiltelik bie Hölsberg. In 1940 ging 'n deil van Hölsberg (sjtasie en umgeving) en 'n deil van Emmaberg euver nao dan gevömde gemeinte Valkeberg-Houtem. De ongevaer 60 hoezer liegke rónd de Emmabergwaeg op de gelieknamige Emmaberg. Centraal sjteit 'n Tv-radio-zendmas. Veur kèrk, sjoal, winkel e.d. zint de luuj aangeweze op Valkeberg, Hölsberg en Klumme. Aan de voot van D'n Emmaberg bevingk ziech de buurtsjap De Hièk. De naam Emmaberg ies officieel ingeveurd in 1982, bie 't tot sjtand kómme van de gemeinte Valkeberg aan de Geul. 't Haet 'n blauw plaatsnaambord. Veurheen woort de helling Valkebergerwaeg en/of Emmabergwaeg geneump. De naam ies 'n samesjtèlling van keuningin Emma en berg.
In vreuger tieje woort op de berg, op de grens van Hölsberg en Valkeberg, rech gesjproke. Dao woa noe de zendmas sjteit heesj 't toen en later Loemeleberg (of Lómmeleberg). In de 18e ièw zint aan 'n elk of galg ter plaatse 'n 70 bokkeriejersj opgehange. De kleier (loemmele) woorte op 'ne houp gesjmete of te kiek gehange es aafsjriekmieddel. In de tuin van 'n hoes bevinge ziech nog reste van de doaje en van de galg.
 | |
|---|---|
| Dörper: Berg · Brokem · Houtem · Oud-Valkeberg · Sjin op Geul · Sub · Valkeberg · Vild | |
| Buurtsjappe en gehuchte: Boete de Paort · D'n Emmaberg · Geulem · De Hièk · De Hièkerbeek · Haersjtraot · Iezere · Ingwege · Keuteberg · De Nerem · Oas · De Plenkert · Sint Gerlach · Sint-Pièter · Sjuèmer · De Sjtoepert · Sjtraobaek · Sjtröch · Terbliet · Vroenhof · Walem | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
