Dit artikel is gesjreve (of begós) in 't Houtems. Laes hie wie v'r mit de versjillende saorte Limburgs ómgaon.
Camille Oostwegel (Houtem-Sint Gerlach, 10 februari 1950) is 'ne bekènde óndernummer in de horecabranche en besjermer van cultureel erfgood in Zuud Limburg. Hae is veural bekènd es stimulator, boewer en exploitant van Château-hotels. Door aan kesjtièl, hièrehaof en kloaster 'n nuuj (horeca) besjtumming te geve, woorte dees, al dèks jaore laegsjtaonde monumentaal geboewe, gered van d'n óndergank.
Projekte
Zien ièrsjte projek waor Kesjtièl Erenstein. Dao-op volgde de Winselerhof. Op 1 mièrt 2010 wirt Kesjtièl Erenstein, doorverkoch aan de Fletcher-groep-hotelketen. Vervolges were achtereinvolges Château Neercanne bie Mestreech, Château Sint-Gerlach (1997) in Houtem, 't veurmalig gotisch Kruushièrekloaster (oet de 15e ièw) aan de Kómmel in Mestreech (2006) gerestaureerd en in gebruuk genómme es luxe hotel-restaurant en congrescentrum. In 2007 lièt hae zien geboortehoes Casa Blanca in Houtem restaurere, dat in 1929 in opdrach van ziene vader geboewd waor door arsjitek Frits Peutz oet Heerle. In dit pand ies ouch 't hoofkentoar gevestig van de óndernumming.
Biografie
Camille Oostwegel woort gebaore in Sint Gerlach, Houtem in 1950. Nao 't volge van de Hoager Hotelsjoal in Mestreech woort hae op 24-jaorige laeftied manager van 'n hotel. In 2007 versjient zien biografie Alles moet bevochten worden, gesjreve door Rosalie Sprooten en John Hoenen.
Óndersjeiinge
- Honorair consul van Frankriek
- 2005 Victor de Steurs Monumentepries Mestreech
- 2006 Hubert Goltziuspenning in Venlo
- 2007 Trophée des Renommées d' Or du Tourisme International in Paries
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
