Baolbik

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Kèrk van Johannes de Duiper

Baolbik (Frans: Bombaye; Nederlands: Bolbeek; Platdütsj: Bombelech) ies 'n aan de waeg van Mestreech nao Battice (de N627) gelege gehuch in de gemeinte Dalhem in de provincie Luuk in Belsj. 't Haet óngevaer 600 inweunersj. In de 12e ièw sjteit 't es Bubais en Bulsbeke in de archieve. Later kump ouch de naam Bombelech veur. In vreuger jaore huèrde-n 't bie de graafsjap Dalhem.

Bezeenswaerdig

• 'n Kèrkske, woavan de massieve natuursjteine tore mèt hoage leie sjpiets dateert oet de 12e ièw. Ze ies gewiejd aan Johannes de Duiper. 't Koar ies gotisch, oet de 15e ièw. De hoofbeuk van 't geboew sjtamp oet 1753 en ies van baksjtein.
• Kapel van 't Heilig Kruus, woavan de gesjiedenis truukgeit tot in de 6e ièw. In 1644 bevingk d'r ziech 'n kloes in 't einbeukig gebuuwke. D'n ingank ies enigszins oetgeboewd en op 't zaaldaak sjteit 'n tore in de vörm van 'ne daakruter mèt 'n unvörmig ing op de sjpiets. In de 13e en 19e ièw haet restauratie plaatsgevónge.
• Graafkapel oet 1936. Gerestaurareerd in 2000.
• Manoir of kesjtièlboerderie in de kèrksjtraot nr 1. De róndbaogpoort-ingank haet 'n helsjteine umliesting. 't Geboew betref de ouw hièrlikheid van Bombaye en sjtamp oet de 12e en 13e ièw.
• 'ne Ouwe haof-woonhoes in rue de Tilleul nr. 17

Gebore

• Xavier de Reul, (1830-1895), geoloog en sjriever. Zien geboortehoes ies bewaard gebleve. Hae vertaalde Ernest Staes, advokaat. Schetsen en beelden van Anton Bergman in 't Frans. ^[1]

Referentie

1. Interview oet 1963 mèt Marie Gevers, ièrsjte vrouw die woort opgenómme in de Koninklijke Franse Academie veur Taal en Letterkunde; niesjeke van Reul en van Jan Frans Willems

Commons

In de categorie Bombaye van Wikimedia Commons zeen media gerelateerd aan dit óngerwerp te vènje

Gemeinte Dalhem
Deilgemeintes en dörper: Saint-André · Bjen · Baolbik · Feneur · Mortroux · Neufchâteau · Waeërsj